„ეს არ არის კომერციული შეთანმება, აქ უფრო დიდია შეთანხმების ფასი, ვიდრე კომერციული შეთანხმება. ეს არ არის კომპანიებს შორის გაფორმებული ხელშეკრულება, ეს არის საქართველოს საზელმწიფოსა და „გაზპრომს“ შორის გაფორმებული ხელშეკრულება. რისკები არის საკმაოდ რეალური“. ამის შესახებ საქართველოს ახალგაზრდა იურისტთა ასოციაციის პროექტის კოორდინატორმა სულხან სალაძემ „რუსთავი 2“–ზე, გადაცემა „კურიერის“ ეთერში ისაუბრა.
„ენერგეტიკის სამინისტრომ უნდა მოგვაწოდოს ყველა ის დოკუმეტი, რის საფუძველზეც მოხდა გასაიდუმლეობა. თუ ჩვენს მოთხოვნაზე პასუხი არ იქნება გაცემული, რჩება გზა, რომ მივმართოთ სასამართლოს. ჩვენ ოფიციალურად მოვითხოვეთ ინფორმაციის გასაჯაროვება, ეს არ ეხება მხოლოდ გაზპრომთან დადებულ შეთანხმებას.
ჩვენ ვითხოვთ ყველა სახის ინფორმაციის გასაჯაროვებას. ეს შეიძლება იყოს წერილები, ელექტრონული შეტყობინებები, აუდიო კომუნიკაციის საშუალებები, ყველა ოფიციალური დოკუმენტი, რომელიც შეიძლება არსებობდეს ენერგეტიკის სამინისტროსა და კომპანია „გაზპრომს“ შორის. ეს გვჭირდება იმისთვის, რომ შემდეგში სამართლებრივი მექანიზმების გამოსაყენებლად სრულად ვიყოთ მზად.
ეს დოკუმენტი თავიდან ბოლომდე არ შეიძლება იყოს კომერციული საიდუმლოება. მისი გასაიდუმლოება ერთადერთ შემთხევვაში შეიძლება იყოს კომპანიის პარლამენტარები და სხვა ოფიციალური პირები საუბრობენ, რომ ეს ხელშეკრულება არის კარგი, რაც შიძლება ამ პირობებში ყოფილიყო. თუ ეს დოკუმენტი არის საიდუმლო, მათ არ უნდა ჰქონდეთ ამ დონის წვდომა და საუბრის უფლება, კარგია თუ ცუდი საქართველოსთვის,“–განაცხადა სულხან სალაძემ.
მანანა ღოღობერიძე
