„არც ერთი საერთაშორისო ხელშეკრულებით, ჩვენს მოქალაქეს არ გადავცემთ. უკრაინაში რა პროცედურებიც მიდის, ისი ჩვენ უნდა გაგვევლო თეორიულად. ამ შემთხვევაში უარის თქმის მარტივი საფუძველი გვონდა. ჩვენი მოქალაქეა და გადაცემის საკითხი დაიხურებოდა“. უკრაინაში ვიცე–პოლკოვნიკ გია ცერცვაძის დაკავების საქმეზე ყოფილმა მთავარმა პროკურორმა, მაია მწარიაშვილმა, „ტვ პირველზე“, გადაცემა „დიანა ტრაპაიძის დღის ამბების“ ეთერში ისაუბრა.
„მსგავს პროცესებში სამი მთავარი ეტაპია. დაკავება, ექსტრადიცია და დევნა. თუ ცერცვაძე ინტერპოლის ცირკულარით იძებნებოდა,ასეთ დროს ინტერპოლის წევრი სახელმწიფოები საუბრობენ ერთიანი მონაცემთა ბაზით. ნებისმიერი წევრი სახელმწიფო, თუ კი ეს ადამიანი გამოჩნდა მის ტერიტორიაზე, აკავებს. მესაზღვრე არ აფასებს რომელი სახელმწიფოს მოქალაქეა, რა ხელშეკრულება აქვს ასეთ სახელმწიფოსთან, რა არის დევნის საფუძველი, პირველი მოქმედება არის დაკავება.
ჩვენი კომპეტენტური ორგანოების განცხადებები არის სრული სამართლებრივი აბრაკადაბრა. ეს იყო არაკომპეტენტური, სამართლებრივ პროცედურებთან და ცოდანასთან არაფერი საერთო არ ჰქონდა. გასარკვევია,როდესაც ეს ადამიანი კვეთავდა საზღვარს, აჩვენებდა თუ არა სისტემა, რომ ეს ადამიანი ძებნილი იყო. ჩვენი ვალდებულება იყო დაკავება და უტყუარი საფუძველი გვქონდა გადაცემაზე უარის. შემდეგ ჩვენ შევაფასებდით, რამდენად სწორად იყო დაწყებული დევნა.
დარწმუნებული ვარ, რომ უკრაინის სასამართლო ექსტრადიციაზე უარს იტყვის“–განაცხადა მაია მწარიაშვილმა.
მანანა ღოღობერიძე
