ევროსაბჭოში მიაჩნიათ, რომ საქართველოში კანონმდებლობა პლურალისტური და არადისკრიმინაციული მაუწყებლობისთვის საუკეთესო გარემოს ქმნის.
რეზოლუციაში საუბარია, რომ საქართველოში კანონმდებლობა საუკეთესო გარემოს ქმნის პლურალისტური და არადისკრიმინაციული მაუწყებლობისთვის, ასევე რეზოლუციით ხელისუფლებას მოუწოდებენ განაგრძოს პლურალისტური მედიაგარემოს ხელშეწყობა. დოკუმენტში, ასევე საუბარია მედიის მესაკუთრეების გამჭვირვალობის საკითხზე.
საქართველოს პარლამენტის ვიცე-სპიკერმა თამარ ჩუგოშვილმა სტრასბურგის სესიაზე სიტყვით გამოსვლისას განაცხადა, რომ საქართველოში, ბოლო წლებში, მედიაგარემოს გაუმჯობესებისთვის მნიშვნელოვანი ცვლილებები განხორციელდა.
“2015 წლიდან, ჩვენ მივიღეთ 49 აქტიურად მომუშავე მედიაორგანიზაცია, გარდა ამისა, პროგრესი აღიარებულ იქნა ისეთი ორგანიზაციების მიერ, “FREEDOM HOUSE”, “რეპორტიორები საზღვრებს მიღმა” და საპარლამენტო ასამბლეაც კი, რომელმაც საკუთარ ანგარიშში, რომელმაც აღნიშნა, რომ საქართველოში არის მედიის ფართო სპექტრი და ცოცხალი მედიაგარემო. რაც შეეხება მედიკომპანიების მფლობელების ცვლილების საკითხს, უნდა აღინიშნოს, რომ ეს არის კერძო დავები, რომლებიც წლების წინ დაიწყო და ახლა ჯერი სასამართლოზეა”,- განაცხადა tამარ ჩუგოშვილმა.
ევროსაბჭოს საპარლამენტო ასამბლეა სათათბირო ორგანოა, რომელიც წარმოადგენს წევრი ქვეყნების პარლამენტებს. იგი შედგება ეროვნული პარლამენტებისა და არაწევრი ქვეყნების დელეგაციების 313 წევრისა და ამავე რაოდენობის მათი შემცვლელებისგან და წარუდგენს მინისტრთა კომიტეტს რეკომენდაციებს ევროსაბჭოს საქმიანობასთან დაკავშირებით. საპარლამენტო ასამბლეა იკრიბება წელიწადში ოთხჯერ და აწყობს საჯარო სხდომებს პლენარული სესიების დროს.
