დღეს მსოფლიოში არაერთი კორპორაციის ორგანიზაციული პოლიტიკა უკავშირდება გენდერულ თანასწორობას და ანტი-ჰომოფობიურ განწყობებს. აშშ-ში კომპანიების 75% გენდერულ იდენტობასთან დაკავშირებით არადისკრინიმაციულ პოლიტიკას ატარებს. ორგანიზაციების 93%-ისთვის კანდიდატების სექსუალური ორიენტაცია არ არის დაკავშირებული სამომავლო თანამშრომლობის რისკებთან.
ბოლო დროის კვლევები გვიჩვენებს, რომ ორგანიზაციებისთვის განსხვავებული სქესობრივი ორიენტაციის თანამშრომლების აყვანა მათ პროდუქტიულობის, კოლაბორაციის, ინოვაციების, კრეატიულობისა და რეპუტაციის დონეს ზრდის. ეს უკანასკნელი მოგეხსენებათ,რომ ძალიან მნიშვნელოვანია ბიზნესზე ორიენტირებული კომპანიებისთვის.
მკვლევარების თქმით, კვლევის პროცესში მონაცემების დამუშავებისას აუცილებლად უნდა იქნას გათვალისწინებული ისიც, რომ შესაძლოა კორპორაციებისთვის განსხვავებული სქესობრივი ორიენტაციის თანამშრომლების აყვანა პიარისა და საერთაშორისო,თუ ადგილობრივი აღიარებისთვის იყოს გამიზნული.
მსოფლიო ბანკის თქმით, ლგბტ თანამშრომლების მხარდაჭერა ორგანიზაციული კულტურის დამსახურებაა, ეს უკანასნკნელი სხვადასხვა ქვეყანასა თუ რეგიონში განსხვავდება და შესაბამისად, განსხვავებული სქესობრივი ორიენტაციის მქონე თანამშრომლების პროცენტული რაოდენობაც სხვადასხვაა.
საინტერესოა, ეს საკითხი სამუშაო ადგილებში ქალების რაოდენობასთან დაკავშირებით. ისევე, როგორც ზემოთ არსებული კორპორაციებისა და ორგანიზაციების შემთხვევაში, მათი 75% (აშშ) გამოთქვამს მზაობას გენდერული თანასწორობის დაცვის საკითხში. თუმცა სიტყვიერი მზაობის პროცენტული რაოდენობა და კვლევის შედეგები არარელევანტურია.
მაკინზის კვლევის შედეგად, რომლის დროსაც გამოკითხა 130 კომპანია და 34 ათასი თანამშრომელი ქალი და კაცი, გამოვლინდა რომ ქალებს კაცებთან შედარებით მეტი დრო სჭირდებათ კონკრეტულ სამუშაო ადგილებზე დაწინაურებისთვის. მაგალითისთვის, ქალებისა და მამაკაცების სამსახურში აყვანის პროცენტული შანსი შემდეგია: ქალები 46%, მამაკაცები 54%. მენეჯერის პოზიციაზე მუშაობის შანსი ქალების შემთხვევაში 37%-ია, კაცების- 63%. რაც შეეხება, ხელმძღვანელ თანამდებობებს McKinsey(Women in the Workplace 2016) -ის კვლევის თანახმად, ქალების 19%-ია, მამაკაცების 81%.
რაც შეეხება საქართველოს, დაქირავებით დასაქმებულთა საშუალო თვიური ნომინალური ხელფასი საქმიანობის სახეებისა და სქესის მიხედვით (ლარი) ქალისა და კაცის შემთხვევაში შემდეგნაირად ნაწილდება (საქართველოს სტატისტიკის სამსახური 2015 წელი) საფინანსო საქმიანობებში მამაკაცის ხელფასი დაახლოებით 2379 ლარია, ქალის კი 1249 ლარი. სახელმწიფო მმართველობაში ქალებისთვის საშუალოდ 1287 ლარია, მამაკაცებისთვის 1363,7 ლარი. დიდი სხვაობაა ჯანმრთეობის დაცვა და სოციალური დახმარება კომუნალური,სოციალური და პერსონალური მომსახურებს სფეროში, სადაც ქალთა ხელფასის რაოდენობა 730,6 ლარია, ხოლო მამაკაცების 1144,3 ლარი.
ნათია კეკენაძე
