„საჭიროა უსაფრთხოების გამკაცრება მამალაძის ოჯახის მიმართ, იმ განცხადებებმა, რომლებიც რამდენიმე დღის განმავლობაში გაისმოდა, მათ შორის უდანაშაულობის პრეზუმფციის დარღვევამ, საზოგადოებაში არსებულმა განწყობებმა, შესაძლოა გარკვეული რისკები გააჩინოს მისი ოჯახის უსაფრთხოებასთან დაკავშირებით“. ამის შესახებ სახალხო დამცველმა, უჩა ნანუაშვილმა. „ტვ პირველზე“, გადაცემა „დიანა ტრაპაიძის დღის ამბების“ ეთერში ისაუბრა.
„როგორც დეკანოზი ამბობს, ხელჩანთაში ციანიდი არ ჰქონია. გიორგი მამალაძის თქმით, დაკავებიდან რამდენიმე საათის განმავლობაში, ჩხრეკა არ ჩატარებულა. მას მისცეს სატელეფონო ზარის, ადვოკატთან კომუნიკაციის უფლება.დეკანოზი ამბობს, რომ არ იცის საიდან გაჩნდა ნივთიერება, რომელიც დაკავებიდან რამდენიმე საათში აღმოუჩინეს.
სახალხო დამცველს აქვს სრული უფლება გაახმაუროს ის ინფორმაცია, რომელიც მას ბრალდებულმა გააცნო. სახალხო დამცველი არის დამოუკიდებელი საკუთარ მოქმედებებში და დამოკიდებულია მხოლოდ კანონზე. ჩვენ გვაქვს აბსოლიტურად არათანაბარი მდგომარეობა. ბრალდება საუბრობს ყველაფერზე, ასაჯაროვებს ყველაფერს, დაცვის მხარეს არანაირი უფლება არ გააჩნია,რომ კონკრეტული ინფორმაცია გააჟღეროს.
ამ საქმის მონიტორინგში სახალხო დამცველის აპარატი მაქსიმალურად იქნება ჩართული. უამრავი შეკითხვა არსებობს არა მხოლოდ პროცედურულ დარღვევბთან დაკავშირებით. ყველა დეტალი არ იყო ლოგიკური. ასეთ შემთხვევებში მინიმუმ ბოდიში არის მოსახდელი, როდესაც მტკიცებით ფორმაში საუბრობენ დანაშაულზე, რომელიც ჯერ არ არის დადასტურებული,“–განაცხადა უჩა ნანუაშვილმა.
მანანა ღოღობერიძე
