„ „თი ბი სი“ ბანკთან მიდის აქტიური ინტეგრაციის პროცესი, კონსოლიდაცია ბოლო ეტაპამდე წლის შუა თვეებში მივა. „ბანკი რესპუბლიკას“ ბრენდი აღარ იქნება ბაზარზე, ფილიალებს გადაერქმევათ სახელი და იქნება „თი ბი სი“ ბანკი. ფილიალების თანამშრომლები სრულად დარჩებიან, ოფისების უმეტესობა დარჩება თავის ადგილას“. „TBC“ ბანკის და „ბანკ რესპუბლიკას“ გაერთიანების პროცესის დეტალებზე, „ბანკ რესპუბლიკას“ გენერალურმა დირექტორმა, ნიკოლოზ ქურდიანმა, ტელეკომპანია „მაესტროზე“, გადაცემა „ბიზნეს კონტაქტის“ეთერში ისაუბრა.
„მთავარი გამოწვევა არის, რომ შერწყა დავასრულოთ მოკლე ვადებში, ისე როგორც დავგეგმეთ.ორი კორპორატიული კულტურა, ორი გუნდი გავაერთიანოთ ისე, რომ ეს გუნდები ერთად არსებობდნენ ისევე წარმატებულად, როგორც აქამდე იყვნენ.
პროფილი არ იცვლება. ეს ბანკები გავს ერთმანეთს და უბრალოდ სეგმენტები შეერთდება. „კონსტანტას“ შერწყმის დროსაც მე ვიყავი გენერალური დირექტორი და პროცესი წარმატებით დავასრულეთ. ბანკომატების კუთხით უკვე მომხმარებელს შეუძლია ერთნაირად ისარგებლოს. ელემენტარული ცვლილება შეიძლება იყოს, მაგრამ არა ისეთი, რომ კლიენტები დააზარალოს.
„ბავშვთა სამყაროს“ მოვაჭრეებს შევთავაზეთ სესხების გადავადება, თუ სხვა ადგილასაც ჰქონდათ ბიზნესი, შეღავათიანი პირობებით ვაძლევთ ახალ კრედიტს,“–განაცხადა ნიკოლოზ ქურდიანმა.
მანანა ღოღობერიძე
