ცნობილი გახდა აშშ-ს სენატის საგარეო ურთიერთობების კომიტეტის წევრების მხრიდან მომზადებული სირიაზე შესაძლო ოპერაციის ზოგიერთი დეტალი.
მისი მიხედვით ოპერაცია 90 დღით იქნება განსაზღვრული, თუმცა პირველ ეტაპზე ეს ოპერაცია 60 დღეს გასტანს. გარდა ამისა ამავე გეგმით ამერიკელი ჯარისკაცები ფეხს არ დაადგამენ სირიის მიწაზე ანუ არ მიიღებენ მონაწილეობას სახმელეთო ოპერაციებში.
ეს ახალი გეგმა ხსენებულ კომიტეტში დღეს განიხილება და შემდეგ კენჭიც ეყრება, ხოლო კონგრესში კი მას 9 სექტემბერს უყრიან კენჭს.
აშშ-ს სენატის საგარეო ურთიერთობების კომიტეტში სიტყვით გამოვიდა სახელმწიფო მდივანი ჯონ კერრი და თქვა რომ, თუ სირიაზე ოპერაციას არ დაიწყებენ, მაშინ, ამერიკის საერთაშორისო იმიჯი შეილახება. მისივე თქმით ხელთ აქვთ მტკიცებულებები, რომლებითაც სირიაში ქიმიური იარაღი ასადმა გამოიყენა და არა ოპოზიციამ.
“თუ ჩვენ ახლა სირიას დავსჯით, მაშინ ამით საჭირო და შესაბამის მესიჯებს გავუგზავნით ჰეზბოლასაც და ბირთვული იარაღის წარმოების მსურველ თეირანსაც“- განაცხადა კერრიმ და დაამატა რომ, სირიაზე მხოლოდ საჰაერო დარტყმებს ითვალისწინებენ, რითაც დაასუსტებენ ასადის ბრძოლისუნარიანობას.
05.09.13
