ჩვენ უმძიმესი მემკვიდრეობა გადმოვიბარეთ. ქვეყანაში დემოკრატიის არავითარი ნიშანწყალი არ არსებობდა. არცერთი რეალური, ძლიერი ოპოზიციური არხი არ არსებობდა ქვეყანაში და დღეს ეს ადამიანები გამოდიან და თავისუფალ მედიაზე გვესაუბრებიან, – ამის შესახებ საქართველოს პრემიერ-მინისტრმა, ირაკლი ღარიბაშვილმა პარლამენტში განაცხადა, სადაც დეპუტატებს სამთავრობო პროგრამის შესრულების 2022 წლის ანგარიშს აცნობს.
„ჩვენ მიერ მიღებული და გატარებული რეფორმების შედეგად, 10 სამუშაო დღეში შეიძლება ნებისმიერი ტელევიზიის გახსნა. ამ მაჩვენებლით ბევრად წინ ვუსწრებთ მათ შორის ევროკავშირის წევრ ქვეყნებს“, – განაცხადა ირაკლი ღარიბაშვილმა.
