როგორც მამა გიორგი მამალაძის ადვოკატმა,მიხეილ რამიშვილმა, „რუსთავი 2“–ზე, გადაცემა „არჩევანის“ეთერში აღნიშნა, დეკანოზი საქმეზე განცხადებების გაკეთებას დღეიდან დაიწყებს, თუმცა მას ბევრ კითხვაზე მოუწევს პასუხის გაცემა და პროცესი დღესვე არ დასრულდება. წამყვანის კითხვაზე, კიდევ არსებობს თუ არა ინფორმაცია, რომელიც მამა გიორგისგან გახდება ცნობილი და ერთგვარად შოკისმომგვრელი იქნება, უფლებადამცველი პასუხობს,რომ ასეთი ინფორმაცია არსებობს, თუმცა, დეტალებზე ვერისაუბრებს.
„პატრიარქის ჩამობრძანების შემდეგ, ადვოკატებმა მოვახერხეთ და შევხვდით მას, გავუზიარეთ მამა გიორგის პოზიცია და მისი აზრიც ცნობილია. თვითონ დაინტერესებულია რომ ყველაფერი სამართლიანად იყოს დაცული, ბევრჯერ მოიკითხა მამა გიორგის მდგომარეობა. საბოლოოდ ბრალი წაყენებული აქვს პატრიარქის მდივან–რეფერანტის მკვლელობის მომზადებაზე. ბრალდებაში შორენა თეთრუაშვილის სახელი წერია და მოტივაცია არის ანგარება.
დეკანოზი ოფიციალურ ბრალდებას უარყოფს და თავს უდანაშაულოდ მიიჩნევს. რა იგულისხმება ანგარების საფუძვლად და რისკენ იყო სწრაფვა,ბუნდოვანია. დაკავების შემდეგ, როდესაც მამა გიორგი გადაჰყავდათ მოდულის შენობაში, სამართალდამცველები ეკითხებოდნენ, შენ იცი რისთვის ხარ დაკავებული? ისინი ეუბნებოდნენ, ჩვენ ვიცით შენ აპირებდი პატრიარქის მოწამვლას.
როგორც დეკანოზი აღწერს, ჩემოდანი ორი განყოფილების იყო, პირდაპირ ერთი განყოფილება გახსნეს,საიდანაც ამოიღეს დეზედორის მსგავსი ნივთი. ხოლო მეორე განყოფილებაში,სადაც ბევრი პარფიუმერული ნივთი იყო, არც ჩაუხედავთ. საიდან უნდა ცოდნოდათ, ზუსტად სად იყო საწამლავი. უტყუარი მტკიცებულებისთვის უნდა არსებობდეს ვიდეო მასალა, სადაც იქნება ასახული როდის და როგორ მოახერხა მამა გიორგიმ ციანიდის შეძენა,“–განაცხადა მიხეილ რამიშვილმა.
მანანა ღოღობერიძე
