„არ შეიძლება შიგნიდან ამხელა სკანდალი ატყდეს, რა თქმა უნდა, გარედან მართული პროცესებია. ამ ყველაფერს დრო სჭირდება. ახლა, მე პირადად გარკვევის პროცესში ვარ. ვფიქრობ, რომ ჩემი იქიდან წამოსვლით ამას უფრო დავინახავ, ვიდრე იქ ყოფნის განმავლობაში ვხედავდი“. თანამდებობის დაკავების შესახებ პირველი განცხადება, პატრიარქის დაცვის სამსახურის უფროსმა, სოსო ოხანაშვილმა, „რუსთავი 2“–ზე, გადაცემა „პოსტსკრიპტუმში“ გააკეთა.
„ჩემი სამსახური იყო ის ორგანო, რომელიც იყო აბსოლუტურად პატრიარქის და სხვას არავის ექვემდებარებოდა. ეს სამსახური როდესაც შეიქმნა, ყოველთვის მნიშვნელოვან გადაწყვეტილებას ვათანხმებდი პატრიარქთან და არავისთან სხვასთან. ესეც იყო ერთ-ერთი პრობლემა. იყო მცდელობები, რომ ვიღაცისთვის კიდევ შემეთანხმებინა. დავადასტურებ იმას, რომ შორენა თეთრუაშვილთან ტკბილი ურთიერთობა არ მქონდა.მე არავინ მჭირდებოდა პატრიარქთან ურთიერთობისთვის. ყოველთვის, როცა იყო ამის საჭიროება, შესვლა მის უწმინდესობასთან და ნებისმიერ საკითხზე დალაპარაკება, მე პირადად შემეძლო.
მივედი მის უწმინდესობასთნ, ვისაუბრეთ, ვთხოვე, რომ მოეცა ლოცვა- კურთხვა, წავსულიყავი დაკავებული თანამდებობიდან.ვისაუბრეთ გარკვეული პერიოდი, დამთანხმდა და მე გავედი ამ სამსახურიდან. ეს იყო ჩემთვის უმძიმესი გადაწყვეტილება. დრო ყველაფრის მკურნალია, მაგრამ ჩემს ცხოვრებაში ამის გახსენებაც კი იქნება უმძიმესი. მე პატრიარქისთვის მხოლოდ დაცვა არ ვიყავი,“ – განაცხადა სოსო ოხანაშვილმა.
მანანა ღოღობერიძე
