საფეხბურთო მატჩის გამო თბილისის მეტროპოლიტენი ხვალ ღამის 01:30 საათამდე იმუშავებს.
თბილისის მერიის ცნობით, 6 სექტემბერს, 22:15 საათზე “დინამო არენაზე” მსოფლიოს 2014 წლის ჩემპიონატის საკვალიფიკაციო ეტაპის შეხვედრა გაიმართება. საქართველოს საფეხბურთო ნაკრები საფრანგეთს დაუპირისპირდება. მატჩის საორგანიზაციო საკითხებთან დაკავშირებით, თბილისის მერიაში საქალაქო სამსახურებისა და ფეხბურთის ფედერაციის წამომადგენელთა შეხვედრა გაიმართა.
“მატჩის დაწყების დროის გათვალისწინებით გადაწყდა, რომ 6 სექტემბრის ღამეს, თბილისის მეტრო გაახანგრძლივებს სამუშაო დროს და მოქალაქეებს ორის ნახევრამდე მოემსახურება.
05.09.13
