„ვიზა იქნება დამატებითი საფუძველი მომავალში წარმატებული დეოკუპაციისთვის. ეს დაანახებს ოკუპირებული ტერიტორიების მოსახლეობას, რატომ არის საქართველო უფრო მომხიბვლელი, ვიდრე ის ქვეყანა, რომლის გავლენის ქვეშაც იმყოფებიან“. ევროკავშირის წევრ ქვეყნებთან უვიზო მიმოსვლის საბოლოო ეტაპის შესახებ, ევროინტეგრაციის საკითხებში სახელმწიფო მინისტრმა ვიქტორ დოლიძემ ტელეკომპანია „იმედზე“, გადაცემა „ქრონიკის“ეთერში ისაუბრა.
„აევროკავშირის წარმომადგენლების განცხადებები მიუთითებს საქართველოს მთავრობის მიერ გადადგმულ წარმატებულ ნაბიჯებზე. მათ შორის დემოკრატიული რეფორმები, ვიზალიბერალიზაციასთან დაკავშირებული სამოქმედო გეგმის ზედმიწევნით შესრულება. დავაკმაყოფილეთ ტექნიკური კრიტერიუმები. დღეს მივიღეთ პოლიტიკური სიგნალი, რომ მათი კარი ქართველებისთვის ღიაა. მარტის ბოლოს, მაქსიმუმ აპრილის დასაწყისში უკვე უვიზოდ გადაადგილებას შევძლებთ.
ჩვენ ვაპირებთ მრავლისმომოცველი კამპანიის გამართვას, თუ რა უნდა გააკეთონ მოქალაქეებმა რომ იმოძრაონ უვიზოდ ეროპის ქვეყნებში და ასევე რა არ უნდა გააკეთონ. მაგალითად ვადების გადაცილება, ბევრი თავშესაფრის მაძიებელთა ჩასვლა, ეს უნდა იყოს ერთიანი პასუხისმგებლობა მთავრობისთვის და მოქალაქეებისთვის. ჩვენს მოქალაქეებზე საკმაოდ კარგი წარმოდგენის ვარ და დარწმუნებ ული ვარ ვიზალიბერალიზაციის განხორციელების ეტაპსაც ღირსეულად გავივლით,“ – განაცხადა ვიქტორ დოლიძემ.
მანანა ღოღობერიძე
