„იოსებ გოგაშვილი არის ცუდ მდგომარეობაში იმ მასალების გამო,რომელიც გამოვაქვეყნე, მან ვერ მიიღო ის შედეგი, რასაც ელოდებოდა ჩემი შვილის ციხეში გაშვების შემდეგ“. ამის შესახებ გაზეთ „ქრონიკა +“–ის მთავარმა რედაქტორმა, ჟურნალისტმა ელისო კილაძემ „ტვ პირველზე“, გადაცემა „დიანა ტრაპაიძის დღის ამბების“ ეთერში ისაუბრა.
„გელა ხვედელიძე ფარესაშვილის ვიდეომასალის გავრცელების გამო ბრალს არ აღიარებდა, მას პოზიცია არ შეუცვლია. ამის შემდეგ პროკურატურამ სასამართლო პროცესები დახურა და დაადო გრიფით საიდუმლო. ეს საქმე იყო თეთრი ძაფით შეკერილი. მე მაქვს აუდიოჩანაწერი სასამართლო სხდომის, სადაც გელა ხვედელიძე პირდაპირ აცხადებს, რომ ბრალს არ აღიარებს. თავდასხმა მოხდა დილით, ის ტელეფონზე მესაუბრებოდა და გავიგონე რაღაც განწირული კივილი, ეს იყო მისი მეუღლის ხმა.
ნაკლებად მაინტერესებს რას იტყვის სუს–ის პრესსამსახური. თითქოს ეს არის პირადი შერისძიება, არის გამორიცხული. 4 წლის განმავლობაში გელა ხვედელიძე დაცვის გარეშე, ჩვეულებრივ გადაადგილდებოდა ქალაქში. გოგაშვილი ავრცელებდა დეზინფორმაციას, რომ ჩემი მასალების უკან იდგა გელა ხვედელიძე. გამოქვეყნდება მასალა, როგორ ირჩეოდა საქმე „შუშის სასახლეში“ ჩემი შვილის დაჭერის შემდეგ. ეს იყო პატარა კაცის შურისძიება. პროვოკაციას ჩემი მისამართით ველოდებოდით, თუმცა აღმოჩნდა, რომ სამიზნე იყო თავად გელა ხვედელიძე“ , – განაცხადა ელისო კილაძემ.
მანანა ღოღობერიძე