„ახლანდელი რეგულაციით, პერსონალურ მონაცემთა დაცვის ინსპექცია უფრო მეტად შეასუსტეს, ვიდრე აქამდე იყო. ვითომ ახალი რეგულირება არის კოსმეტიკური სახეცვლილება არაკონსტიტუციურად ცნობილი რეგულირებების“. ე.წ მოსმენების კანონზე, საკონსტიტუციო სასამართლოში საჩივრის შეტანის ელექტრონულ პროგრამაზე, კამპანია „ეს შენ გეხება“–ს წევრმა, გიორგი ბურჯანაძემ ტელეკომპანია „იმედზე“, გადაცემა „ქრონიკის“ეთერში ისაუბრა.
„ჩვენი მიზანი იყო მოქმედი საპარლამენტო უმრავლესობისთვის და სასამართლოსთვის დაგვენახებინა,რომ ქვეყანაში პირადი ცხოვრების დაცულობასთან დაკავშირებით, ხალხს აქვს ტოტალური უნდობლობა. გარანტიები, რომელიც ვითომ არსებობს კანონდმებლობაში, უბრალოდ დაწერილია, ვერაფერი უზრუნველყოფს, რომ ჩვენი პირადი ცხოვრების ხელშეუხებლობა ირღვევა მარტივი დაკლიკებით, თუ ეს „ცუდ პოლიციელს“ მოუნდება.
მიღებული რეგულაცია ერთი წლის წინ საკონსტიტუციო სასამართლოს გადაწყვეტილების პირდაპირ დარღვევაა. 2016 წლის 14 აპრილს საკონსტუტუციო სასამართლომ იმდროინდელ პოლიტიკურ უმრავლესობას პირდაპირ უთხრა, რომ კანონმდებლობა არ შეიცავდა საკმარის გარანტიებს, არ არსებობდა ბალანსი კერძო და საჯარო ინტერესებს შორის. საბოლოოდ საკონსტიტუციო სასამართლო გადაიქცევა ერთ დიდ არაეფექტურ მექანიზმად, რომლის გადაწყვეტილებებსაც საქართველოს პარლამენტი დაძლევს ყოველთვის, როდესაც პარლამენტს ეს მოუნდება“ , – განაცხადა გიორგი ბურჯანაძემ.
მანანა ღოღობერიძე
