საქართველოს კათოლიკოს-პატრიარქი ილია მეორე, ექიმების რჩევით, რამდენიმე დღით დასასვენებლად გაემგზავრება. პატრიარქის ექიმის ცისანა შარტავაზე დაყრდნობით ინფორმაციას 1tv.ge ავრცელებს.
ექიმის განცხადებით, ბოლო რამდენიმე კვირა ილია მეორისთვის განსაკუთრებით დატვირთული იყო, რამაც გადაღალა და გულ-სისხლძარღვთა სისტემის მცირე პრობლემები და მაღალი არტერიული წნევა გამოიწვია.
მისი თქმით, კათოლიკოს-პატრიარქი დღეს გერგეთში გაემგზავრება და თბილისში მომავალ კვირაში დაბრუნდება. შარტავას განცხადებით, ექიმების მეთვალყურეობის საჭიროება არ არის და პატრიარქი მათ გარეშე მიდის.
