აშშ-ის ვიცეპრეზიდენტ მაიკ პენსს საქართველოს კათოლიკოს-პატრიარქი ილია მეორე სიონის საკათედრო ტაძარში მიიღებს. ამის შესახებ ინფორმაციას 1tv.ge ავრცელებს.
“ამერიკის ვიცე-პრეზიდენტს სურვილი აქვს, რომ დაათვალიეროს სიონის ტაძარი, ამიტომ ჩვენმა უწმინდესმა გადაწყვიტა დახვედრა. მაიკ პენსს პატრიარქი თავად დაათვალიერებინებს ტაძარს და მას საჩუქარსაც გადასცემს” – განაცხადა პროტოპრესვიტერმა გიორგი ზვიადაძემ.
მაიკ პენსი საქართველოს გუშინ ეწვია. ვიზიტი ორდღიანია. ოფიციალური შეხვედრები დღეს გაიმართება. დაგეგმილია შეხვედრები ხელისუფლების პირველ პირებთან და ოპოზიციის ლიდერებთან. მაიკ პენსი მრავალეროვნულ სწავლება Noble Partner 2017-ს დაესწრება.
