“ქართული ოცნების” პრეზიდენტობის კანდიდატი, გიორგი მარგველაშვილი მოსწავლეებსა და სტუდენტებს ახალი სასწავლო წლის დაწყებას ულოცავს. მარგველაშვილის მილოცვა სოციალურ ქსელ “ფეისბუქში” გავრცელდა.
გიორგი მარგველაშვილი ამ დღეს განსაკუთრებით ულოცავს პირველკლასელებს, სტუდენტებს, რომლებმაც წელს ჩააბარეს უმაღლეს სასწავლებლებში, მათ მშობლებსა და პედაგოგებს. გიორგი მარგველაშვილი ამ დღეს ასევე ულოცავს განათლების სამინისტროს თანამშრომლებს, რომლებმაც, მისი თქმით, წარმატებულად განახორციელეს ყველა ის წამოწყება, რომელიც მან, როგორც მინისტრმა დაიწყო.
“მე მახარებს, რომ ნახევარ მილიონამდე ოჯახს შვება მიეცა და სკოლაში სახელმძღვანელოები ბავშვებს უფასოდ დაურიგდათ. მე მახარებს, რომ 17 ფაკულტეტზე უფასოდ ჩაირიცხა ათასობით სტუდენტი”, – განაცხადა გიორგი მარგველაშვილმა.
16.09.13
