ხვალ, 12:00 საათზე, საქართველოს პარლამენტის ეროვნული ბიბლიოთეკის საკონფერენციო დარბაზში შედგება – Doctrina Business Review-ს (DBR) კვლევის პრეზენტაცია თემაზე „გლობალური ინოვაციები და საქართველო“, სადაც განიხილება ორგანიზაციების Cornell University, INSEAD და World Intellectual Property Organization (WIPO) მიერ მომზადებული კვლევის „გლობალური ინოვაციის ინდექსი 2013“ შედეგები და საქართველოს მდგომარეობა მსოფლიო ინოვაციური განვითარების რეიტინგში.
როგორც DBR-ში აცხადებენ ღონისძიების მიზანია:
ü წარმოაჩინოს საქართველოს ინოვაციური განვითარების შემაფერხებელი ფაქტორები.
ü შესთავაზოს საზოგადოებას ვითარების კრიტიკული ანალიზი.
ü წარმოადგინოს რეკომენდაციები ქვეყნის ინოვაციური განვითარების მნიშვნელოვანი გაუმჯობესებისათვის.
„გლობალური ინოვაციის ინდექსი“-ის მოკლე მონახაზი კი ასეთია:
„გლობალური ინოვაციის ინდექსი 2013“-ში განხილულია მსოფლიოს 142 ქვეყნის ინოვაციური განვითარების მახასიათებლები. ანგარიში 2012 წლის დეტალური კვლევების საფუძველზე შედგა.
საქართველო რეიტინგში 142 ქვეყნიდან 73-ე ადგილზე გავიდა, აღსანიშნავია, რომ იგი წინა წელს 71–ე პოზიციაზე იყო.
გლობალური ინოვაციის ინდექსი მრავალ პარამეტრს და ინდიკატორს მოიცავს, რომელიც თავის მხრივ სხვადასხვა რეიტინგების წარმოების საშუალებას იძლევა.
რეიტინგში საქართველოს ყველაზე ცუდი შედეგები დაუფიქსირდა შემდეგი მიმართულებით:
- მიმდინარე ხარჯები განათლებაზე
- ადამინური კაპიტალი და კვლევები
- ბაზრის კაპიტალიზაცია
- ადგილობრივი კონკურენციის ინტენსივობა
- ცოდნის გავრცელება ქვეყნის მაშტაბით და ა.შ.
გარდა ზემოთჩამოთვლილი მაჩვენებლებისა საქართველოს კიდევ ბევრ ინდიკატორში აღენიშნება მნიშვნელოვანი ჩავარდნა, რაც საბოლოო ჯამში უაღრესად კრიტიკული და საგულისხმო დასკვნების გამოტანის საშუალებას იძლევა.
17.09.13
