„ეს შედეგი ფაშიზმის წახალისებას მოჰყვება. ხელისუფლება იძახის, რომ ქართველი ხალხი სულელია, გაანადგურებს მიწას და ჩვენ მოვუვლითო“ , – ამის შესახებ „გირჩის“ ლიდერმა, იაგო ხვიჩიამ „ტვ პირველზე“, გადაცემა „რეაქცია“-ს ეთერში ისაუბრა.
„საკმაოდ ბუნებრივია ის, რაც ხდება. არ მცალია სანდრო ბრეგაძის გასაკრიტიკებლად. ეს კაცი თანმიმდევრულია, რომ არ უნდა მიწის უცხოელებზე გასხვისება და გასაგებია. მიწასთან ეს თამაში დაიწყო ხელისუფლებამ პრემიერ ღარიბაშვილის დროს. დღეს კი ამბობს, რომ მიწის გასხვისებას არ ვაპირებთ, მხოლოდ გამონაკლისებს ვუშვებთო.
საქართველოს მოსახლეობას ვუკრძალავთ ქართული მიწის გასხვისებას, იმ მოტივით, რომ ვიცავთ, მაგრამ ვისგან ვიცავთ ამ მიწას? იმ გლეხებისგან ხომ არა, საუკუნეების განმავლობაში რომ აქამდე მოიტანეს. მეორე არგუმენტით, ეკონომიკურად ასე უფრო მომგებიანია. ბუნებაში საღი აზრის დონეზე არ არსებობს აზრი,რომ რამის აკრძალვა წაადგება ეკონომიკას.
ჩვენ გვინდა საქართველოს ინტერესების დაცვა სხვის ხარჯზე და არა საკუთარ ხარჯზე. ამ გააქტიურებას ვხსნი იმით, რომ ჩვენ გვყავს პოპულისტი ხელისუფლება. ის იმ მოედანზე შევიდა, სადაც ხელისუფლებას არაფერი საქმე არ აქვს“ , – განაცხადა იაგო ხვიჩიამ.
მანანა ღოღობერიძე