სარფის საბაჟო გამშვებ პუნქტზე ფინანსთა სამინისტროს შემოსავლების სამსახურმა საქართველოს მოქალაქეს 2.61 გრამი მარიხუანა აღმოუჩინა. ინფორმაციას შემოსავლების სამსახური ავრცელებს.
საქართველოს მოქალაქე ქვეყანაში თურქეთიდან ავტობუსით ბრუნდებოდა. ავტობუსი სამსახურებრივი ძაღლის მეშვეობით დაათვალიერეს, რის შემდგაც მოქალაქე ო.ღ-ს სავარძელზე, ნარკოტიკული საშუალება აღმოაჩინეს.
საქმე შემდგომი რეაგირების მიზნით, საქართველოს შინაგან საქმეთა სამინისტროს გადაეცა.
