საქართველოში გზების ხარისხზე და საერთაშორისო სტანდარტებთან შესაბამისობაზე, „დორო გრუპის“ დირექტორმა, ივა სიხარულიძემ „ტვ პირველზე“, გადაცემა „საქმის კურსის“ ეთერში ისაუბრა.
„გზების ხარისხზე ერთ წელზე მეტია ინტენსიურად ვმუშაობთ. ვთანამშრომლობთ რეგიონალური განვითარების სამინისტროსთან, შევისწავლეთ საქართველოს ბაზარი და მოთხოვნები. რეალურად კვლევებმა აჩვენა მიმართულებები,რომელიც უნდა განვავითაროთ. მნიშვნელოვანია ქართული კომპანიების მზადყოფნა. ისინი მზად არიან მოერგონ ტექნოლოგიებს და აითვისონ, უბრალოდ სჭირდებათ გამოცდილება.
ხარისხი ფარდობითი ცნებაა. არსებობს სტანდარტები,რომლებიც ნორმებში ჯდება. საქართველოს მთავრობა ცდილობს ასწიოს სტანდარტები და ხარისხი. ესაა საინტერესო, რაც საკმარისია ჩვენთვის, რომ დავიწყოთ მუშაობა. განმსაზღვრელია ეკონომია, რომ მინიმალური ხარჯებით მეტი გზა დაიგოს და უფრო სწრაფად. საუბარია დროით და ფინანსურ ეკონომიაზე, ასევე ეკოლოგიურ გადაწყვეტილებებზე“ , – განაცხადა ივა სიხარულიძემ.
მანანა ღოღობერიძე