კარიესად წოდებულ პათოლოგიურ პროცესს დიდი ხნის განმავლობაში იკვლევდნენ. როგორც ცნობილი გახდა, ჩინელმა მეცნიერებმა კარიესის საწინააღმდეგო ვაქცინა შეიმუშავეს.
მეცნიერებმა ექსპერიმენტი ვირთხებზე ჩაატარეს. კვლევამ აჩვენა, რომ ჰიბრიდული ცილა KF-rPAc კარიესის პრევენციასა და მკურნალობას უწყობს ხელს.
KF-rPAc ორი ნაწილისგან შედგება: KF და rPAc. მეცნიერებმა KF ნაწლავური ჩხირი Escherichia coli-სგან გამოაცალკევეს, ხოლო rPAc ბაქტერია Streptococcus mutans-სგან, რომელიც ადამიანის პირის ღრუში ბინადრობს და კბილის შლა შეუძლია გამოიწვიოს.
პირველი კომპონენტი (KF) იმუნური რეაქციის ზრდას უწყობს ხელს, რომელიც მიკროორგანიზმების გარსის ზედაპირზე მდებარე rPAc-ისკენ არის მიმართული. სამომავლოდ მეცნიერები კვლევის შედეგებისა და მიღებული ვაქცინის ადამიანებზე გამოცდას აპირებენ.
როგორც ამერიკელი და ავსტრალიელი ექიმები ამტკიცებენ, კარიესის წარმოქმნის მთავარი მიზეზი არა გენეტიკური საფუძველი, არამედ პირის ღრუს არასწორი მოვლა და ცხოვრების არაჯანსაღი წესია.
ნინო ზარიძე
