საქართველოს რეგიონების სკოლების უმრავლესობაში გათბობის სისტემა დამონტაჟებული კვლავაც არ არის. შესაბამისად, საკლასო ოთახების გასათბობად შეშის მომარაგებაა საჭირო, რაც გარკვეულ თანხებთანაა დაკავშირებული.
როგორც ცნობილი გახდა, ეროვნული სატყეო სააგენტო მთელი საქართველოს მასშტაბით საშეშე მერქნით სკოლების მომარაგებას ახორციელებს. საკანონმდებლო ცვლილებების თანახმად, სააგენტო ქვეყნის მასშტაბით 1600-მდე საჯარო სკოლას შეშით თავად მოამარაგებს.
„ინიციატივა სასწავლო დაწესებულებების ხელშეწყობის გარდა, ქვეყანაში ტყის მდგრადი მართვის დანერგვას შეუწყობს ხელს, რაც მომავალში მერქნული რესურსებით სარგებლობის ეფექტურ მექანიზმს შექმნის. საქართველოს 9 რეგიონში სკოლების სათბობი შეშით მომარაგების პროცესი მიმდინარე წლის ნოემბრამდე დასრულდება“- აცხადებენ გარემოს დაცვის სამინისტროში.
ნინო ზარიძე
