საოპერაციო მზაობისა და ტერმინალების შერწყმის პროცესი თბილისის საერთაშორისო აეროპორტში დასრულებულია. დღეიდან ახალი მოფრენის ტერმინალი ექსპულატაციაში ოფიციალურად შევიდა. გაფრენისა და მოფრენის ტერმინალებით თბილისის საერთაშორისო აეროპორტი წელიწადში 4 000 000 მგზავრს მოემსახურება.
ახალი მოფრენის ტერმინალის გახსნის ოფიციალურ ცერემონიას საქართველოს პრემიერ მინისტრი, გიორგი კვირიკაშვილი, „ტავ ჰოლდინგის“ პრეზიდენტი სანი შენერი, თურქეთის ტრანსპორტის, საზღვაო საქმეთა და კომუნიკაციის მინისტრი აჰმეტ არსლანი, საქართველოს ეკონომიკისა და მდგრადი განვითარების მინისტრი გიორგი გახარია, მინისტრთა კაბინეტის წევრები, დიპლომატიური კორპუსის წარმომადგენლები, „ტავ ჯორჯიას“ ხელმძღვანელობა, და მოწვეული სტუმრები ესწრებოდნენ.
საქართველოს პერმიერ მინისტრმა ქართულ ავიაციასა და თბილისის საერთაშორისო აეროპორტის განვითარებაში შეტანილი წვლილისთვის ტავ ჯორჯიას და ტავ ჰოლდინგს მადლობა გადაუხადა.
სანი შენერი ტავ ჰოლდინგის პრეზიდენტი – საქართველო იყო პირველი ქვეყანა საზღვარგარეთ, სადაც TAV Airports-მა თავისი გამოცდილებითა და ნოუ-ჰაუთი ოპერირება დაიწყო. 2007 წელს მგზავრთანაკადი თბილისის საერთაშორისო აეროპორტში დაახლოებით 600 000 იყო, წელს კი ჩვენ 3 მილიონზე მეტ მგზავრს ველოდებით. აღსანიშნავია, რომ სააეროპორტო ბიზნესში ტავი დღესდღეობით ყველაზე მოთხოვნად კომპანიას წარმოადგენს. დღეს ჩვენი სერვისებით 17 ქვეყნის 76 აეროპორტში 110 მილიონზე მეტი მგზავრი სარგებლობს. 2005 წლიდან დღემდე „ტავ“-მა საქართველოში 180 მილიონი დოლარის ინვესტიცია განახორციელა. ჩვენ მომავალშიც გავაგრძელებთ ქართული საავიაციო ბაზრის განვითარებას ამ სფეროში ინვესტიციების განხორციელებით, რაც დადებითად აისახება საქართველოსა და თურქეთის მეგობრულ ურთიერთობაზე.
