„დღეს კანდიდატები ეჯიბრებიან ერთმანეთს ვინ უფრო ადრე შეწყვეტს „სითი პარკის“ ხელშეკრულებას. ეს აბსურდია და ნიშნავს,რომ ამ ხალხმა მენეჯმენტი საერთოდ არ იცის. ჩამოვიყვან ავტომობილების ნაკადების მართვის სპეციალისტებს, იმათ,ვინც სტრასბურგი და ლონდონი დაგეგმა“ , – ამის შესახებ მერობის კანდიდატმა და პოლიტიკური პარტია „ერთობა ახალი საქართველოს“ ლიდერმა გიორგი ვაშაძემ „ტვ პირველის“ ეთერში ისაუბრა.
„მე ვიქნები პოლიტიკოსიც და მენეჯერიც. ჩემი სპეციალობაა ინოვაციების მენეჯმენტი და ვმართავ პროცესებს. მე არ დამეძინა და არ დამესიზმრა იუსტიციის სახლის პროექტი. იუსტიციის სახლის საკუთრება ეკუთვნის საქართველოს და არა გიორგი ვაშაძეს. მე ვიყავი მენეჯერი გუნდის,რომელმაც ეს პროექტი შექმნა. იდეა ჩამოყალიბდა ბათუმში, ერთ ოთახში. ყველა რაიონში დავდიოდი და ჩემი ხელით ვალაგებდი არქივებს,რომ სისტემა აგვეწყო.
გვაქვს ორი არჩევანი, ან ტალღის ზემოთ ვექცევით და ვართ ინოვატორ განვითარებულ ქვეყნებს შორის, ან ტალღის ქვემოთ, მუდმივად მაჩანჩალები და პრობლემების ქვეშ. ჩვენ გვინდა წარმატების ქართული მოდელი და არა კოპირება სხვა ქვეყნების“, – განაცხადა გიორგი ვაშაძემ.
მანანა ღოღობერიძე
