სამედიცინო საქმიანობის სახელმწიფო რეგულირების სააგენტოს ოფიციალური მონაცემებით, 2017 წელს 67 ექიმს სერთიფიკატის მოქმედება შეუჩერდა, ხოლო 157 მედიკოსს პროფესიული პასუხისმგებლობა დაეკისრა. სააგენტოს ცნობით, 2017 წლის იანვრიდან 20 სექტემბრის ჩათვლით, რეგულირების სააგენტოს უფროსის ბრძანების საფუძველზე 141 პაციენტისთვის გაწეული სამედიცინო დახმარების ხარისხის შესწავლა უკვე დასრულებულია.
სამედიცინო სფეროს ექსპერტები კი მიიჩნევენ, რომ ეს ციფრი რეალურ დარღვევებთან შედარებით ნაკლებია.
პაციენტების პრეტენზიების ძირითადი ნაწილი მკურნალობის ხარისხსა და დიაგნოსტიკას ეხება. სპეციალისტები ექიმებისთვის უწყვეტი სამედიცინო განათლების ახალ რეგულაციებზე უკვე მუშაობენ.
რაც შეეხება გასულ წელს, პროფესიული განვითარების საბჭომ, 2016 წელს 198 ექიმს პროფესიული პასუხისმგებლობა დააკისრა. აქედან 105 ექიმს „წერილობითი გაფრთხილება“ მისცეს, ხოლო 93 ექიმს სხვადასხვა ვადით სერთიფიკატის მოქმედება შეუჩერდა.
ნინო ზარიძე
