„ეს საკითხი ვერ უძლებს კრიტიკას, ფორმალურადაა განხილული,რომ „ქართულ ოცნებაში“ 5 სხვადასხვა სუბიექტია, თორემ დოკუმენტი რომ ერთპარტიულია, არ არის საკამათო. ეს არის ინსტრუმენტი,როგორ შეინარჩუნო ხელისუფლება ისე,რომ ამომრჩევლის საკმარისი მხარდაჭერა არ გქონდეს“ , – კონსტიტუციის მიღების პროცესზე და მმართველი გუნდის შეცდომებზე, პრეზიდენტის პოლიტიკურმა მრჩეველმა ფიქრია ჩიხრაძემ „ტვ პირველის“ ეთერში ისაუბრა.
„რა იყო ამ შეთავაზებებში ისეთი,რომ არ შეიძლებოდა შეთანხმება? ვეტოში ასახული საკითხები ვენეციის კომისიის რეკომენდაციებზეა დაფუძნებული. ამ მოსაზრებას იზიარებს ყველა არასამთავრობო ირგანიზაცია,რომელიც არის საქართველოში. ასევე საკონსტიტუციო სასამართლოსთან დაკავშირებით იყო რეკომენდაცია,რომ საკონსტიტუციო სასამართლომ გადაწყვეტილება მიიღოს მოსამართლეთა სრული შემადგენლობის უმრავლესობით.
სრული ოპოზიციური სპექტრი ეთანხმებოდა პროპორციულ არჩევნებზე გადასვლას,მაგრამ არ ეთანხმებოდა ბონუსის უსამართლო სისტემას. ბონუსის უსამართლო სისტემის მოხსნას დღეს თავად მმართველი ძალა აანონსებს. ხომ შეიძლებოდა,რომ ეს ყველაფერი დიალოგის რეჟმში გადაწყვეტილიყო?
თანხმობისთვის ყველა რაღაცას თმობს. ახლა ჯერი მმართველ გუნდზეა, მანაც რაღაცა უნდა დათმოს. მთელი ეს პროცესი იყო დათანხმებისთვის მოწოდება და ბოლო ეტაპზეც არაა სასურველი,რომ ეს იყო დათანმება და არა შეთანხმება. ეს კონსტიტუციის ანაბანაა, რომ უნდა იყოს თანხმობა და შემდეგ განიხილებოდეს ესა თუ ის ღირებულება“ , – განაცხადა ფიქრია ჩიხრაძემ.
მანანა ღოღობერიძე