იტალიის ორ რეგიონში რეფერენდუმი ჩატარდება. 22 ოქრომბერს, ქვეყნის ყველაზე მდიდარი რეგიონების, 11 მილიონამდე მოსახლეობამ უნდა გადაწყვიტოს, სურთ თუ არა გაზრდილი ავტონომიური უფლებები.
ინფორმაციას ამის შესახებ Guardian-ი ავრცელებს. ლომბარდიასა და ვენეტოს რეგიონები ცენტრალური მთავრობისგან მეტი დამოუკიდებლობის მოპოვებას ცდილობენ.
ორი მოსაზღვრე რეგიონი, რომელსაც მემარჯვენე ფრთის „ჩრდილოეთის ლიგა“ მართავს, დამოუკიდებლობას არ ითხოვენ, თუმცა სხვადასხვა საკითხში მეტი ავტონომიის მიღება სურთ.
როგორც სტატიაში წერია, რეფერენდუმის ჩატარების მთავარი მიზეზი ეკონომიკური ფაქტორია, რადგან ორივე რეგიონი იტალიაში ყველაზე მდიდარია და ადგილობრივი მოსახლეობის ნაწილი მიიჩნევს, რომ ფინანსების უკეთ გაკონტროლებას თავად შეძლებენ.
ლომბარდია იტალიის კომერციული ცენტრია და ქვეყნის მთლიანი შიდა პროდუქტის მეხუთედ ნაწილს წარმოადგენს, ვენეტო კი დაახლოებით 10%-ს.
იტალიაში საარჩევნო უბნები 22 ოქტომბერს ადგილობრივი დროით დილის 07:00 საათზე გაიხსნება და საღამოს 11:00 საათზე დაიხურება.