„მთელი ქვეყნის მასშტაბით იყო პატარ-პატარა პროცედურული დარღვევები, რაშიც არაჩვეულებრივი არაფერია. მარნეულის გარდა სხვა რეგიონებში სერიოზული დარღვევები არ გამიგია“ , – 2017 წლის თვითმმართველობის არჩევნების შესახებ „გირჩის“ ლიდერმა ზურაბ ჯაფარიძემ „ტვ პირველის“ ეთერში ისაუბრა.
„კოორდინატორები არის ასეთი კასტა,რომელიც პროფესიად იქცა ამ ქვეყანაში, მახინჯმა საარჩევნო სისტემამ შვა ამ ადამიანების ჯგუფი და არჩევნებიდან არჩევნებამდე მუშაობენ. ჩემი აზრით კომისიის წევრები მათ უნდა ყრიდნენ უბნიდან, მაგრამ არც ისინი არიან ობიექტურები.
რა თქმა უნდა ოპოზიცია ეცდება,რომ ტემპერატურა აწიოს. მათთვის მნიშვნელოვანია,რომ ომის ყიჟინა დასცენ. ვერავინ დააბრალებს „რუსთავი 2“-ს,რომ ეგზიტპოლის შედეგები მიკერძოებულად გააშუქა, კალაძეს ხომ არ მოუმატებდნენ პროცენტებს. მეორე ტური რომც იყოს, სახელისუფლებო კანდიდატი ყველა ვარიანტში მოიგებს.
მეორე მხარეა როგორ იგებს „ქართული ოცნება“. ფულს აქვს ძალიან დიდი ფაქტორი ყველგან დედამიწაზე და მათ შორის საქართველოში. მათ ხელშია მთელი ადმინისტრაციული რესურსი“ , – განაცხადა ზურაბ ჯაფარიძემ.
მანანა ღოღობერიძე
