„„ქართულმა ოცნებამ“ ეგზიტპოლს საზეიმო სტატუსი მიანიჭა. „რუსთავი 2“-ის ეგზიტპოლს ჰქონდა მეორე დატვირთვაც, „ნაციონალურმა მოძრაობამ“ საზოგადოებას უთხრა,რომ ჩვენ კვლავ ვართ მეორე ადგილზე და ვართ მთავარი ოპოზიციური ძალა“ , – ამის შესახებ ჟურნალისტმა, შეწყალების კომისიის თავმჯდომარემ ზვიად ქორიძემ „ტვ პირველის“ ეთერში ისაუბრა.
„ფაქტობრივად ორივე „ისტებლიშმენტური“ პოლიტიკური ძალაა, ერთი ყოფილი სახელისუფლებო და მეორე მოქმედი. ისინი პრინციპულად დაუშვებლად მიიჩნევენ,რომ სხვა რაიმე პოლიტიკური სუბიექტი გამოჩნდეს და მითუმეტეს ცალკე აღებული ერთი ადამიანი,რომელსაც აქვს ნდობის მაღალი ვოტუმი. ალეკო ელისაშვილს აქვს საზოგადოების მაღალი მხარდაჭერა.
მე რომ ალეკოს მხარდამჭერი ვარ ეს ჩემი პირადი დამოკიდებულებაა, მაგრამ რა თქმა უნდა შედეგი რაც უნდა იყოს, მან აჩვენა,რომ ჰყავს ბევრი მხარდამჭერი თბილისში. ეს სერიოზული ელექტორალური ძალაა და იმედი მაქვს ის ამ რესურსს არ გაფლანგავს. ალეკო ელისაშვილი უკვე არის პოლიტიკოსი. თუმცა უნდა ვიფიქროთ,რომ მეორე ტურის შანსი არ იყო მხოლოდ ჰიპოთეტური,ეს იყო აბსოლუტურად რეალური. ამის საფუძველი იქნებოდა მოსახლეობის თვაისუფალი ნება და მეტნაკლებად ფინანსური ბალანსი საარჩევნო სუბიექტებს შორის“ , – განაცხადა ზვიად ქორიძემ.
მანანა ღოღობერიძე
