გარემოს ეროვნული სააგენტოს ცნობით, 23 ოქტომბერს დღის პირველ ნახევარში საქართველოს ზოგიერთ რაიონში იწვიმებს. ჰაერის ტემპერატურა დაბლობსა და ბარში +17, +22 გრადუსი იქნება.
სინოპტიკოსები 24 – 25 ოქტომბერს დასავლეთ საქართველოში თბილ და უნალექო ამინდს პროგნოზირებენ და ჰაერის ტემპერატურა +23, +28 გრადუსამდე მოიმატებს.
აღმოსავლეთ საქართველოში 24 ოქტომბერს ზოგან წვიმა და ნისლია მოსალოდნელი, ჰაერის ტემპერატურა +14, +19 გრადუსამდე დაიკლებს, ხოლო 25 ოქტომბერს +20, +25 გრადუსამდე დათბება. 26 -27 ოქტომბერს საქართველოში დროგამოშვებით იწვიმებს. 28 ოქტომბერს გამოიდარებს, 29 ოქტომბრიდან კი ისევ ნალექიანი ამინდია მოსალოდნელი.