18-22 ოქტომბერს საქართველოს კინოს მუზეუმში გაიმართა საერთაშორისო კინოფესტივალი ,,წმინდა ანდრიას ჯვარი“.
ღონისძიება 2006 წლიდან მოყოლებული ყოველწლიურად ტარდება ასოციაცია ,,მეოხის“ ორგანიზებით, საქართველოს კულტურისა და ძეგლთა დაცვის სამინისტროს მხარდაჭერითა და საქართველოს შოთა რუსთაველის სახელობის თეატრისა და კინოს სახელმწიფო უნივერსიტეტის თანადგომით.
აღნიშნული კინოფესტივალის მიზანია ზნეობრივი და კულტურული ფასეულობების, იდეალების დამკვიდრება.
კინოფესტივალის თემატიკა შეზღუდული არ არის და განიხილება როგორც რელიგიური, ასევე ისტორიულ-კულტურული, საგანმანათლებლო და ხელოვნების სხვადასხვა დარგის მიმართულები.
ფესტივალის გამარჯვებულები გამოვლინდნენ სხვადასხვა კატეგორიაში: მხატვრული, დოკუმენტური, სატელევიზიო პროგრამა, ანიმაციური ფილმი, სტუდენტური ფილმი.
კინოფესტივალში მონაწილეობას იღებენ საქართველოსა და საზღვარგარეთ არსებული დამოუკიდებველი კინო-ტელე კომპანიები, კერძო პირები და სტუდენტები.
გასულ წელს კინოფესტივალის გამარჯვებული გახდა ბესიკ გაფრინდაშვილი ფილმი ,,ქეთევან წამებულის კვალდაკვალ“. წელსაც ბევრ ახალ და საინტერესო ფილმს იხილავს ქართველი საზოგადოება.
2017 წლის ფესტივალის გამარჯვებული გახდა და ,,წმინდა ანდრის ჯვარი“ გადაეცა ბესო სოლომონაშვილის ფილმს ,,ღვთისმშობლის წილხვედრი ქვეყანა საქართველო“.
გამარჯვებულები გამოვლინდნენ სხვადასხვა კატეგორიაში და დაჯილდოვდნენ სიგელ-გუჯრებითა და მედლებით.
მარიამ გობიანიძე
