აგროჟურნალისტიკის საერთაშორისო ფედერაციის ინიციატივითა და პრექტ MOLI კახეთშის ფინანსური მხარდაჭერით, აგროჟურნალისტებისათვის ტრენინგ-სემინარი გაიმართა. ტრენინგს როგორც რეგიონული მედიის, ასევე დედაქალაქის ტელევიზიებისა თუ სხვადასხვა მედიასაშუალებების წარმომადგენლები ესწრებოდნენ. შეხვედრას აგროჟურნალისტი Steve Werblow უძღვებოდა.
ტრენინგ-სემინარზე აგროჟურნალისტიკის მთავარი გამოწვევები განიხილეს. შეხვედრა ინტერაქტიულ რეჟიმში მიმდინარეობდა, დამსწრე ჟურნალისტებმა კოლეგებს აგროჟურნალისტიკის სფეროში თავიანთი გამოცდილება გაუზიარეს.
ტრენინგის მსვლელობისას, პროექტის ორგანიზატორებმა, დამსწრე საზოგადოებას „აგროჟურნალისტთა ასოციაციის“ ჩამოყალიბება ამცნეს. ამგავრი ორგანიზაცია მსოფლიოს სხვადასხვა ქვეყანაში ფუნქციონირებს, რაც სოფლის მეურნეობის განვითარებაზეა ორიენტირებული. მათივე თქმით, ამ ასოციაციაში გაწევრიანება ნებისმიერ მსურველს შეუძლია.
„აგროჟურნალისტთა ასოციაციის“ შესახებ დაწვრილებით ინფორმაციას, საზოგადოება, უახლოეს პერიოდში დაანონსებული პრეზენტაციიდან შეიტყობს.
ნინო ზარიძე