„უფილტრო სიგარეტის წარმოება კანონით ნებადართულია ყველგან, ჩვენ არანაირ ხრიკს არ ვიყენებთ, რომ ბიუჯეტი დავაზარალოთ. „რუსთავი 2“-ის სიუჟეტი იყო ტენდენციური, რადგან მათი ინფორმაციის წყაროც იყო ტენდენციური“ , – ამის შესახებ ომეგა ჯგუფ „თამბაქოს“ მენეჯერმა ლევან აღდგომელაშვილმა „იბერიას“ ეთერში, გადაცემაში „ცენზურის გარეშე“ ისაუბრა.
„გასულ სიუჟეტში ეკონომისტები ამბობენ,რომ სახელმწიფო ბიუჯეტს აკლდება 50 მილიონი ლარი თამბაქოს მწარმოებლების მანიპულაციების გამო, ეს დაუსაბუთებელი რიცხვია, არ ჰქონიათ არგუმენტები. იყო ნათქვამი, რომ თამბაქოს ინდუსტრიის კონკრეტულ პირებს ლობირებენ ხელისუფელბაში. რაღაცით ხომ უნდა გამოიხატებოდეს ლობირება? ჩვენ ვაწარმოებთ უფილტრო სიგარეტს, ვყიდით და ვიხდით შესაბამის აქციზს, არ მესმის რა ხარვეზებზეა საუბარი.
კარგი იქნებოდა რომელიმე ადგილობრივ მწარმოებელს დაგვკავშირებოდნენ. როდესაც ბიუჯეტის მოპარვაზე, თაღლითობაზეა საუბარი, ვურჩევდი ამ ექსპერტებს დაამტკიცონ რა თაღლითობაზეა საუბარი და ვინ არიან თაღლითები. მსგავსი საქმე აღძრულია იმპორტიორ კომპანიებზე და არა ქართულზე, მათ შორის „ბრითიშ-ამერიკან თობაქოზე“. საქართველოშიც არის აღძრული მათ წინააღმდეგ სისხლის სამართლის საქმე“ , – განაცხადა ლაშა აღდგომელაშვილმა.
მანანა ღოღობერიძე