მიწათსარგებლობის გენერალურ გეგმასთან დაკავშირებით, ორგანიზაცია „ახალგაზრდა ადვოკატებმა“, სასტუმრო რედისონ ბლუ ივერიაში, პრესკონფერენცია გამართა.
ორგანიზაცია „ახალგაზრდა ადვოკატები“ თბილისის მიწათსარგებლობის გენერალური გეგმის განახლებული დოკუმენტის არსებული სახით შესაძლო მიღებასთან დაკავშირებით, თბილისის მუნიციპალიტეტის თვითმმართველობას მიმართავს და აღნიშნავს, რომ თბილისის საკრებულომ მგგ-ის (მიწათსარგებლობის გენერალური გეგმის) დამტკიცებაზე უარი უნდა თქვას და დოკუმენტი საერთაშორისო რეკომენდაციების საფუძველზე უნდა შეიცვალოს.
„მიგვაჩნია, რომ თბილისის საკრებულომ-მიწათსარგებლობის გენერალური გეგმის განახლებული დოკუმენტი არ უნდა მიიღოს, იგი გარკვეული ჯგუფის ინტერესებს გამოხატავს, ამიტომაც მისი მიღება ფართო დისკუსიის გარეშე ყოვლად მიუღებელია. ამას ცხადყოფს, მუნიციპალიტეტის მერიის მიერ 2017 წლის სექტემბერში ფრანგი სპეციალისტების მოწვევა და იმ ფრანგული კომპანიიის მხრიდან გამოქვეყნებული დასკვნა, რომლიც ცალსახად თავშივე უარყოფითად და კრიტიკულად აფასებს და მიუღებლად მიიჩნევს ამ დოკუმენტის დამტკიცებას. იმ შემთხვევაში, თუ თბილისის ახალი საკრებულო მიწათსარგებლობის გენერალური გეგმის არსებულ დოკუმენტს მიიღებს, „ახალგზარდა ადვოკატები“ მას სასამართლოში სამართლებრივი წესით გავასაჩივრებთ. ჩვენ მივესალმებით თბილისის მერის, კახი კალაძის მოწდებას, რომლის თანხმადაც, შეიქმნება სპეციალური ჯგუფი, რომელიც წარმოდგენილი დოკუმენტის ავ-კარგიანობას შეაფასებს. ჩვენ მზად ვართ ჩვენი კვლევებით და მოსაზრებებით წარვსდგეთ ამ გუნდში. – განაცხადა, ჟურნალისტებთან საუბრისას- ორგანიზაცია „ახალგაზრდა ადვოკატების“ ხელმძღვანელმა, არჩილ კაიკაციშვილმა.
„ახალგაზრდა ადვოკატების“ განცხადებით, ერთ-ერთი სადაო საკითხი რკინიგზის სადგურის ადგილდმებარეობის შეცვლაა, იგი კვლევის ფარგლებში უარყოფითადაა განხილული. ორგანიზაციის შეფასებით, შესაძლოა, თბილისის მუნიციპალიტეტის ახალმა საკრებულომ- წარმოდგენილი დოკუმენტი ფორსირებულად დაამტკიცოს.
შეგახსენებთ, რომ მიწათსარგებლობის გენერალური გეგმისთვის -2 800 000 ლარია გამოყოფილი.
ნინო ზარიძე
