„1994 წლიდან დღემდე მიმდინარეობს გამოძიება და ცვლილებას ვერ ვხედავ მიუხედავად იმისა,რომ საქმე გადაკვალიფიცირდა. სახელმწიფო აქეთ გვთხოვს მტკიცებულებებს, თითქოს ჩვენ უნდა დავუმტკიცოთ,რომ მომხდარია დანაშაული“ , – საქართველოს პირველი პრეზიდენტის, ზვიად გამსახურდიას საქმის გამოძიებაზე კონსტანტინე გამსახურდიამ „ტვ პირველზე“, გადაცემა „პირველების“ ეთერში ისაუბრა.
„საპარლამენტო კომისიის დასკვნამ ითამაშა გარკვეული როლი. არჩილ კბილაშვილის დროს თითი თითზე არ დაუდიათ ამ საქმის გააქტიურებისთვის. კბილაშვილის წასვლის შემდეგ, შოთაძის პროკურატურის დროს , ჩვენთვის არც უკითხავთ ისე განახლდა საქმე. დასკვნა შეიცავს ბევრ კითხვის ნიშანს, რომ უფრო მეტად მკვლელობა იყო და არა თვითმკვლელობა.
პროცესს ვერ წარმართავენ ისე,რომ რეალური შედეგი დადგეს. ვემზადებით,რომ ოფიციალურად დავიწყოთ საქმის გაცნობა. როდესაც გამოძიების ტომებს გადავხედავთ გვიჩვენებს,რომ სახელმწიფო იყო ჩარეული, ზვიად გამსახურდიას დევნა მიმდინარეობდა სახელმწიფო დე ფაქტო ძალოვნების მიერ. სახელმწიფო,რომელიც გვაქვს დღეს, არის გამგრძელებელი იმ ძალოვანებისა, ამიტომ მათ უნდა ჰქონდეთ პასუხი რა მოხდა, როგორ მიმდინარეობდა დევნა“ , – განაცხადა კონსტანტინე გამსახურდიამ.
მანანა ღოღობერიძე
