„ „აბრეშუმის გზის“ ფორუმის ფარგლებში დააონსდა,რომ ჩინეთთან თავისუფალი ვაჭრობის შეთანხმება ძალაში შევა 2018 წლის 1 იანვრიდან. ეს ხელს შეუწყობს ქართული პროდუქციის დივერსიფიცირებას და მიმზიდველს გახდის ქართულ ბაზარს დამატებითი ინვესტიციებისთვის“ , – ჩინეთთან თავისუფალი ვაჭრობის შეთანხმების შესახებ ეკონომიკის მინისტრის მოადგილემ, გენადი არველაძემ „იმედზე“, გადაცემა „ქრონიკის“ ეთერში ისაუბრა.
„განვითარდება გადამამუშავებელი წარმოებები და საქართველოს წვდომა ექნება დიდ საერთაშორისო ბაზრებზე. ინდოეთთან დასრულდა წინასწარი კვლევა, თუ რა შედეგს მოუტანს თავისუფალი ვაჭრობის შეთანხმება საქართველოს და მეორე მხრივ ინდოეთს. კვლევის შედეგებს საზოგადოებაც გაიგებს და შემდეგ მივიღებთ სამთავრობო მანდატს,რომ დავიწყოთ შეთანხმების განხორციელება ინდურ მხარესთან.
არაბთა გაერთიანებული საემიროებიდან შეიხმა ნაჰაიანმა, ტოლერანტობის მინისტრმა დააანონსა,რომ დაინტერესებულია საქართველოში დამატებითი ინვესტიციების განხორციელებით, ის გეგმავს თანამშრომლობას მაღაზიათა ქსელების, სასტუმროების მიმართულებით. მან ასევე განაცხადა,რომ სხვა ქვეყნის ინვესტორებსაც მოუყვება თუ რამდენად კარგი ბიზნეს-გარემოა საქართველოში“, – განაცხადა გენადი არველაძემ.
მანანა ღოღობერიძე