გაუშვებს ნებისმიერ იმ ადამიანს,ვის მიმართაც არის ფაბრიკაცია, არ არსებობს მტკიცებულებები. ჩატაევის მიმართ პარლამენტს არანირი გადაწყვეტილება არ მიუღია, ბაზაშიც კი არ არსებობს, ყველაფერი გადავამოწმე“ , – 21 ნოემბრის სპეცოპერაციის და სავარაუდო ტერორისტების იდენტიფიცირების შესახებ პარლამენტის იურიდიულ საკითხთა კომიტეტის თავმჯდომარემ, ეკა ბესელიამ „ტვ პირველზე“, გადაცემა „რეაქციას“ ეთერში ისაუბრა.
„ეს არ არის თემა,რომელზეც შეიძლება ოპოზიციურმა პარტიებმა პოლიტიკური დღის წესრიგი ააგონ. ეს არის უპასუხისმგებლო და არასახელმწიფოებრივი ქმედება. ჩვენ არ გაგვიშვია აჰმედ ჩატაევი, მისი იდენტიფიცირებაც არ მომხდარა, დაველოდები ექსპერტიზის შედეგებს. სამართლებრივი კუთხით ჩატაევის ფენომენი გაჩნდა 2009 წელს,როდესაც რუსეთის მიერ იყო ძებნილი და რატომღაც სააკაშვილის ხელისუფლებამ მოითხოვა მისი ექსტრადიცია, ხელოვნური ბრალდება შეუთხზეს და შემდეგ თავად შეწყვიტეს საქმე. ამის შემდეგ იყო ლაფანყური. რაზეც არ ვსაუბრობთ იმიტომ,რომ ქვეყანა არ დაზიანდეს. ამის შემდეგ წაუყენეს ბრალი საბრძოლო მასალის შენახვისთვის.
ჯერ არ გვაქვს ინფორმაცია დეტალების შესახებ, რამდენიმე ექსპერტიზაა დანიშნული, ჩვენი პარტნიორებიც ძალიან ფრთხილად იქცევიან. პრემიერის განცხადება იყო აკადემიური, მოზომილი. როდესაც პარიზში ქალაქის ცენტრში მოხდა აფეთქება, ის კი არავის უთქვამს,როგორ მოხდა, როგორ დაუშვა ეს ხელისუფლებამ. თავიდან ყველა ტოლერანტული, სოლიდარული უნდა იყოს და ბრალდებები არ უნდა იყოს ხელისუფლების მიმართ“ , – განაცხადა ეკა ბესელიამ.
მანანა ღოღობერიძე
