„საკონსტიტუციო სასამართლომ თავისი გადაწყვეტილებით საქართველო რეალურად გახადა ჰაბი ნარკოტიკების მოხმარებისთვის და მსოფლიოს „პლანაქეშებს“ თავისუფლად შეუძლიათ საქართველო „პლანაქეშთა“ სამოთხედ აღიარონ“ , – მარიხუანას დეკრიმინალიზაციის შესახებ „ქართული ოცნების“ დეპუტატმა გიგა ბუკიამ „ტვ პირველზე“, გადაცემა „დღის ამბების“ ეთერში ისაუბრა.
„არ არსებობს ქვეყანა,სადაც ამ რაოდენობის მარიხუანა არის დეკრიმინალიზებული, მსგავსი პრეცედენტი არ არსებობს. საქართველოში დეკრიმინალიზებულია 70 გრამი მარიხუანა, ნებსიმიერ ადამიანს შეუძლია მოიხმაროს, ატაროს ამ რაოდენობის მარიხუანა,რომელიც სამყოფია 100-150 ადამიანის „დასაბოლებლად“. მოღალატეობრივი გადაწყვეტილებით საკონსტიტუციო სასამართლომ აიღო პასუხისმგებლობა თუ რა რაოდენობით გაიზრდება მარიხუანას მომხმარებლთა რიცხვი, ავტოსაგზაო თუ სხვა კრიმინალური შემთხვევები. ეს არის მოსამართლეების სინდისზე.
შედარებისთვის პორტუგალიაში ყველა ნარკოტიკული საშუალება არის დეკრიმინალიზებული და მხოლოდ 25 გრამი მარიხუანა არის მათ შორის. ჰოლანდიაში მხოლდო 5 გრამი მარიხუანა არის დეკრიმინალიზებული. ეს ორგანიზებული ნარკოკარტელი ყველა მიმართულებით უტევს საზოგადოებას. ეს არის პაპუაშვილის სასამართლოს უპასუხისმგებლო გადაწყვეტილებების გაგრძელება. შედეგად მივიღეთ,რომ მთელი საქართველო მარიხუანის სულით ყარს“ , – განაცხადა გიგა ბუკიამ.
მანანა ღოღობერიძე
