„ეს თემა რომ იყოს ვიწროკორპორატიული, მაუწყებლების, არასამთავრობოების, ჟურნალისტების ასეთი ერთობა არ იქნებოდა. საუბარია საზოგადოებრივი მაუწყებლის იდეაზე, ზოგადად რატომ სჭირდება ის ჩვენს მოქალაქეებს. წლების განმავლობაში ამ არხმა მისი ფუნქცია ან ან ვერ შეასრულა“ , – ამის შესახებ მედიაექსპერტმა ზვიად ქორიძემ „ტვ პირველზე“, გადაცემაში „დიანა ტრაპაიძის დღის ამბები“ ისაუბრა.
„საზოგადოებრივი მაუწყებლის მენეჯმენტი თუ სწორად გახარჯავს მოსახლეობის შემოსავლებიდან მიღებულ ბიუჯეტს, არ დასჭირდებათ დამატებითი შემოსავლის მოძიება. მთლიანი შიდაეროვნული პროდუქტის 0,14 %-ით განისაზღვრება საზ.მაუ-ს ბიუჯეტი, ეს არის პირდაპირ მაჩვენებელი,რომ მათი ინტერესი უნდა იყოს დაეხმაროს ჩვენს საზოგადოებას, იყოს მაღალი განმანათლებლობის ხარისხი. თუ გასულ წელს 46 მილიონი იყო, მომავალ წელს 53 მილიონი იქნება, თუ მთლიანი შიდა პროდუქტი იზრდება, ესეიგი საზოგადოებრივი მაუწყებლის ბიუჯეტიც იზრდება, თუ გაისად გაიზარდა კიდევ უფრო გაიზრდება ბიუჯეტი.
პრეზიდენტის პოზიცია იყი,რომ ყველა საკანონმდებლო აქტორს ერთად შეხვედროდა,რომ დისკუსიის პროცესში მეტი ინფორმაცია გამოჩენილიყო. თუმცა საზ.მაუ-ს მენეჯმენტმა ეს ფორმატი არ მიიღო, ამ შეხვედრას არ დაასწრეს აჭარის ტელევიზიისა და რადიოს ხელმძღვანელობა. ეს კომუნიკაციის დეფიციტის გარდა არის პრობლემა იმიტომ, რომ საზ.მაუ-ს მენეჯმენტს სურს სტრუქტრა დაანგრიოს. მთავრობისგან სურთ მიიღონ იმდენი ფული რამდენიც უნდათ და ასევე იქნება უკონტროლო ყველა დემოკრატიული ინსტიტუტისგან. როგორ შეიძლება ჟურნალისტის, ოპერატორის შრომა იყოს მიუკერძოებელი იმ არხზე,რომლის მენეჯერიც ამბობს,რომ სარეკლამო შემოსავალი ჩვენ უნდა მოვახმაროთ თანამშრომლების ხელფასებს და სოციალურ მდგომარეობას“ , – განაცხადა ზვიად ქორიძემ.
მანანა ღოღობერიძე
