„ქართული ოცნების“ ფრაქციების გადაჯგუფების მნიშვნელობაზე და ფრაქციის თავმჯდომარეობის კანდიდატებზე საპარლამენტო უმრავლესობის ლიდერმა მამუკა მდინარაძემ „ტვ პირველზე“, გადაცემაში „დიანა ტრაპაიძის დღის ამბები“ ისაუბრა.
„2 წლის წინ უმრავლესობაში იყო 2 ფრაქცია, „ქართული ოცნება“, რომელიც შედგებოდა 110 დეპუტატისგან და მრეწველების ფრაქცია, რომელიც იყო 5-კაციანი. ამიტომ მეტი კოორდინირებისთვის ეს 110 კაცი უნდა ჩაშლილიყო სხვადასხვა ფრაქციაში. რამდენიმე თვეა მიდის საუბარი კიდევ 2 ფრაქციის დამატებაზე. პრემიერიც იყო ერთ-ერთი ინიციატორი,რომ უკეთესი მენეჯმენტისთვის დაგვემატებინა ფრაქციები. როდესაც 86 კაციან ფრაქციაზე საუბარი, უკეთესი იქნება თუ ყოველდღიურ რეჟიმში მეტი ურთიერთობა იქნება თითოეულ დეპუტატთან.
დეპუტატის აქტიურობა მხოლოდ და მხოლოდ მათი სატელევიზიო ინტერვიუებით არ გამოიხატება. ლიდერის ერთ-ერთი მთავარი ფუნქცია ასევე არის დეპუტატების კონტროლი და კოორდინაცია, მართვა. გოჩა ენუქიძე და ბიძინა გეგიძე ლიდერებად დღეს არ გამოკვეთილან, მათ აქვთ არაერთი საკანონმდებლო ინიციატივა. ისინი იყვნენ ჩართულები საკონსტიტუციო ცვლილებების კანონპროექტში“ , – განაცხადა მამუკა მდინარაძემ.
მანანა ღოღობერიძე
