ქართულ ბაზარზე ახალი მაღაზია გამოჩნდა. MyDay – სადღესასწაულო აქსესუარების მაღაზიაა, რომელიც მნიშვნელოვანი დღეების გაფერადების სურვილით რამდენიმე თვის წინ გახსნა. განსაკუთრებული, ფერადი, ნებისმიერ ასაკსა და გემოვნებაზე მორგებული, ძალიან კომფორტული მაღაზია მომხმარებლებს 2000 მდე სხვადასხვა სახის პროდუქციას სთავაზობს. მაღაზიის ერთ-ერთი დამფუძნებელი მარიამ წერეთელი „თბილისი თაიმსს“ ესაუბრა MyDay-ის შექმნისა და სამომავლო გეგმების შესახებ.
„თითოეულ ჩვენგანს მოსწონს შექმნას მხიარული და განსაკუთრებული დღეები ჩვენთვის ან ჩვენ ირგვლივ მყოფი ადამიანებისთვის. „my day” სწორედ ამ მიზნით შეიქმნა. ჩვენი მიზანი იყო გაგვეფერადებინა ჩვეულებრივი დღეები. ჩვენი ლოგოც სწორედ ამას გვატყობინებს: „ყურადღება, ჩემი დღეა. ნუ გასცდები ჩემს დღეს“. გარდა ამისა, ვფიქრობთ, ქართულ ბაზარზე იყო მსგავსი მაღაზიის საჭიროება.“
დამფუძნებლები ცდილობენ რომ მომხმარებლებს ორიგინალური და საინტერესო ნივთები შესთავაზონ. ყოველდღიურად “my day”-ის არჩევანი იზრდება და მრავალფეროვანი ხდება.
„ჩვენი პროდუქციის უმეტესი ნაწილი იმპორტირებულია ამერიკასა და ევროპის ქვეყნებიდან. მაგრამ ასევე გვაქვს ახალი მიმართულება, რომელიც არის “my day workshop”, სადაც როგორც საკუთარი, ასევე სხვების დახმარებით ვქმნით ხელნაკეთ აქსესუარებს. გარდა ამისა გვაქვს,ქართველი დიზაინერების მიერ შექმნილი ხელნაკეთი ნამუშევრები.“
როგორც მარიამი ამბობს, ბიზნესის დაწყებისას არაერთ სირთულეს შეხვდნენ.თუმცა, მნიშვნელოვანი იყო ხალხის ის ემოცია, რომელიც ძალას მატებდათ მათ გაეკეთებინათ საყვარელი საქმე.
„ნებისმიერი ბიზნესის დაწყება სირთულეებთან არის დაკავშირებული. ძალიან ბევრი სირთულე და გამოწვევა შეგვხვდა ჩვენც დაწყების დღიდან. მიუხედავად ამისა, როდესაც იმას ვაკეთებთ რაც ძალიან მოგვწონს და გვიყვარს, სირთულეები ადვილი დასაძლევი ხდება.“
თავიდან MyDay-ის სულ რაღაც 45 კვადრატული მეტრის ფართი ეკავა, დღეს კი უკვე 180 კვადრატული მეტრით არის წარმოდგენილი
„პირველი დღეებიდანვე გვყავდა კორპორატიული კლიენტები, რომლებიც დღემდე ჩვენი ერთგული მომხმარებლები არიან. 2000 მდე პროდუქცია გვაქვს მაღაზიაში დღეს. მთავარია, პროდუქციის მრავალფეროვანი არჩევანი და ის სასიამოვნო გარემო, რომელსაც ადგილზე მოსულ მომხმარებლებს ვთავაზობთ. შეძენის პროცედურა განსაკუთრებით სასიამოვნო და დასამახსოვრებელი ხდება. გვაქვს სიახლე ჩვენი მომხმარებლებისთვის. მათ შეუძლიათ შეიძინონ Treepex Georgia-ს ხის დარგვის ვაუჩერები,რომლითაც გაზაფხულზე მათ სახელზე დაირგვება ხე.“
რაც შეეხება ფასებს, მარიამ წერეთლის თქმით, პირველივე დღიდან მაქსიმალურად ცდილობენ, რომ მაღაზია და შესაბამისად, ფასები ყველასათვის ხელმისაწვდომი იყოს.
„სააახალწლოდ ძალიან ბევრ სიახლეს ვთავაზობთ მომხმარებელს, მოთხოვნიდან გამომდინარე. გვაქვს საკარნავალო აქსესუარები, პარიკები, ფოიერვერკები, შუშხუნები, რომლის შეძენაც მხოლოდ ჩვენთანაა შესაძლებელი. უახლოეს მომავალში თბილისში მეორე MyDay გამოჩნდება. ამასთან, მომდევნო წლის დასაწყისიდან მომხმარებელს კიდევ უფრო მრავალფეროვან ასორტიმენტს.
მარიამ ლეკიაშვილი
