რამდენიმე თვის წინ ბაზარზე ახალი ქართული ტკბილეული გამოჩნდა. პროდუქციას შპს „დეზი“ დაახლოებით ოთხი თვის წინ დაარსდა უნიკალური იდეის საფუძველზე. “ჯანი”ინოვაციური პროდუქტია თავისი მნიშვნელობით. როგორც პროდუქციის ერთ-ერთი დამფუძნებელი 16 წლის ქრისტეფორე დარჩაშვილი აღნიშნავს, კომპანია ნედლეულს გლეხებისგან და სხვა მეწარმეებისგან ყიდულობს. რაც მისი თქმით, სოფლის მეურნეობის წახალისებაა და მისი ეფექტიანობის გაზრდასთან არის დაკავშირებული.
„თბილისი თაიმსს“ ქრისტეფორე დარჩაშვილი ესაუბრა პროდუქციის შექმნისა და მისი სამომავლო გეგმების შესახებ.
ჩვენს მკითხველს რომ მოუყვეთ, საიდან გაგიჩნდათ იდეა შეგექმნათ ტკბილეული?
– „ჯანი“ არის ახალი ქართული 100%-ით ნატურალური პროდუქტი, რომელიც აუცილებელი დანამატია ნებისმიერი ადამიანის კვების რაციონში. ჯანი თავისი უნიკალური შემადგენლობის წყალობით წარმოადგენს ორგანიზმისთვის საჭირო ვიტამინების ნამდვილ საბადოს. ის შეიცავს კალიუმს, კალციუმს, მანგანუმს, მაგნიუმს, მონო და დისაქარიდებს, ფოსფორს. იგი ასტიმულირებს ჰემოგლობინისა და იმუნიტეტის დონეს. მისი მიღება რეკომენდირებულია ფიზიკური, თუ გონებრივი დატვირთვის დროს. „ჯანი” ყველაზე სასარგებლო და გემრიელი ნუგბარია.
რასთანაა დაკავშირებული პროდუქციის სახელი?
– პრუდუქტის სახელი „ჯანი“ ამომწურავად პასუხობს იმ მთავარ კითხვას, თუ რის მიცემა შეუძლია მას მომხმარებლისთვის. ეს არის ჯანმრთელობა, რომელიც ყველაზე მნიშვნელოვანია თითოეული ჩვენგანისთვის. „ჯანი“ ორგანიზმს უამრავი საჭირო ვიტამინით, მიკროელემენტით, მინერალით ამარაგებს და მის ბრძოლისუნარიანობას ამაღლებს. „ჯანის“ მიღება არის იმ მიზნისკენ გადადგმული დიდი ნაბიჯი, რასაც ჯანმრთელად ყოფნა ჰქვია. სასარგებლო თვისებებთან ერთად ის უგემრიელესია. ჩვენი სლოგანიც შესაბამისია — „ჯანი’’- ტკბილეულში ნაპოვნი ჯანმრთელობა.
როგორ ახერხებთ სწავლისა და ბიზნესის ერთად შეთავსებას?
– შპს „დეზის“ დამაარსებლები არიან დავით კუპრაშვილი და ზურაბ მანჯგალაძე. ჩვენ ვართ ერთიანი გუნდი, დაფუძნებული სასარგებლო სიახლეებსა და გამოცდილებაზე. ძალიან მიხარია, რომ ამ ასაკიდანვე გამოცდილი მეწარმეებისგან ვსწავლობ ბაზრის ანალიზს, ნატურალური პროდუქტის წარმოებას, ნაწარმის რეალიზებას და სხვა მნიშვნელოვან საკითხებს, რომლის კარგი ცოდნა და პრაქტიკაში სწორი გამოყენება მეწარმის წარმატების გარანტია და საწინდარია.
რამდენად მოთხოვნადია „ჯანი“ ქართულ ბაზარზე და სად შეიძლება პროდუქციის შეძენა?
– “ჯანი” ძალიან მოთხოვნადი პროდუქტია. საზოგადოებას კარგად იცის თუ რაოდენ სასარგებლო და გემრიელია ის. “ჯანის” შეძენა შესაძლებელია ქუთაისის „დეილის“ მაღაზიათა ქსელში, რუსთავში „მადაგონის“ მაღაზიებში.ძალიან მალე ჩვენი პროდუქტი თბილისის რამდენიმე პრესტიჟულ მაღაზიათა ქსელში გაიყიდება. უნდა აღინიშნოს,რომ დედაქალაქის მოსახლეობა ყველაზე აქტიურია.უახლოეს მომავალში საქართველოს სხვა დიდ ქალაქებსაც ავითვისებთ.
როგორია თქვენი სამომავლო გეგმები?
– ძალიან გვინდა, ჩვენი პროდუქცია ევროკავშირის ბაზარზე მოხვდეს. ევროპული ბაზარი გამოირჩევა თავისუფალი და ჯანსაღი კონკურენციით. ჩვენ შეგვიძლია დავაკმაყოფილოთ ნებისმიერი მოთხოვნა და მოსახლეობას მივაწოდოთ უდიდესი სარგებლის მომტანი პროდუქტი.ყველას მოვუწოდებ,რომ იყიდოს ქართული!
მარიამ ლეკიაშვილი
