„როდესაც სამგორის ბინის პატრონები სოფელში იყვნენ ყველასთან სტუმრობდნენ, ჩემთანაც შემოსულან სამეზობლოდან ერთი-ორჯერ ჩაის დასალევად. ისინი რაღაც ბიზნესისთვის ან ტურისტებად ჩამოდიოდნენ. სხვა რამე მიზანი ჩვენთვის უცნობია“ , – ამის შესახებ სოფელ დუისის მკვიდრმა, გარდაცვლილ თემირლან მაჩალიკაშვილის მამამ, მალხაზ მაჩალიკაშვილმა „ტვ პირველზე“, გადაცემაში „ლევან ჩხაიძის დღის ამბები“ ისაუბრა.
„თემირლანს ჩემთვის ისინი არ გაუცვნია, მათ შეხვდა უბანში, თუ სადმე სტუმარი მოდის, ჩვენ ვეპატიჟებით ჩაის დასალევად, ეს არის ქისტების სტუმართმოყვარეობა. თუ უსაფრთხოების სამსახურმა არ იცის ვინ არიან და რა აქვთ ჩაფიქრებული, ჩვენ უბრალო ხალხმა საიდან უნდა ვიცოდეთ. თემირლანი ისლამის მიმდევარი იყო, მეც ვარ და მთელი ხეობაა, თუმცა ეს არაფერს მეუბნება.
სპეცოპერაციას მთელი საქართველო ადევნებდა თვალს, მათ შორის მეც. ბუნებრივია 2 წელი როცა საქართველოში იყვნენ შეიძენდნენ მეგობრებს აჭარაშიც, ქისტებშიც. მე დღემდე სამძიმარს ვიღებ და არ ვიცი რა მტკიცბულებები გააცნეს უხუცესებს. ვიცი რომ ჩემს შვილს ჰქონდა სხვა დაკავებულ ბიჭებთან მეგობრული ურთიერთობა, თუმცა არ ვიცი ისინი რას საქმიანობდნენ.
მოვითხოვ გომელაურის ბინძური ბანდიდან ვინც ჩემს შვილს ესროლა დაისაჯოს სასტიკი ზომებით. დაკითხვაზე ჯერ არავის დავუბარებივარ, თუმცა მზად ვარ გამოძიებასთან თანამშრომლობისთვის. არ მჯერა საქართველოს მთავრობის და მზად ვარ სიმართლე დავამტკიცო სტრასბურგში“ , – განაცხადა მალხაზ მაჩალიკაშვილმა.
მანანა ღოღობერიძე
