„ჯანდაცვის მსოფლიო ორგანიზაციამ ამ ვაქცინის ჩანაცვლება მოითხოვა, მაგრამ არ ვიცი ზუსტად რა მიზეზით, ეს ზემდგომ ორგანოებს ეხებათ. 29 ათასი ვაქცინა არის დაახლოებით 8 ათასი ადამიანის სამყოფი დოზა, რომელზეც აუდიტის სამსახური საუბრობდა“ , – ცოფის ვაქცინის პრეპარატის შესაძლო გვერდით მოვლენებზე და უსაფუძვლო აჟიოტაჟზე ექიმ-რაბიოლოგმა ირაკლი სულავამ „იმედზე“, გადაცემა „ქრონიკის“ ეთერში ისაუბრა.
„ტარდება ტენდერი და კონკრეტულ კომპანიას შემოაქვს ვაქცინა, შესაძლოა იყოს ჩინური, ორი წლის წინ იყო ინდური, ასევე ფრანგული. 12-13 წლის პრაქტიკა გვაქვს და არც ერთ ვაქცინასთან,რომელიც გამოგვიყენებია არანაირი გევერდითი პრობლემა არ გვქონია, არც აცრისას და არც შემდეგ. ამჟამად აღებული ვაქცინა,რომელიც სახელმწიფომ შემოიტანა, არის სრულიად უსაფრთხო.
იმ ადამიანებს,რომლებმაც ცოფის საწინააღმდეგო ვაქცინა 2016 წლის თებერვალ-მარტში გაიკეთეს, არანაირი საფრთხე არ ემუქრებათ. ვაქცინამ იმოქმედა და პაციენტი იყო დაცული. ვაქცინის ამოღება სრულად ვერ მოხერხდებოდა, მოსახლეობა ვერ დარჩებოდა საერთოდ ვაქცინის გარეშე. ის ტარდება ცხოველის მიერ მიღებული კბენიდან ძალიან მალე“ , – აღნიშნა ექიმმა რაბიოლოგმა ირაკლი სულავამ.
მანანა ღოღობერიძე
