„მიხარია,რომ ჩვენს პროექტზე ასეთი ინტერესია, მილიონამდე ნახვა ჰქონდა ამ ცეკვას 1 კვირაში. ჩვენს ქვეყანაში არჩევნებზე არ დადის ამდენი ხალხი“ , – ექსპერიმენტულ პროექტ „ცეკვა ქართულის“ შესახებ, აზრთა სხვადასხვაობაზე ნაციონალურ ბალეტ „სუხიშვილების“დირექტორმა ნინო სუხიშვილმა „რუსთავი 2“-ზე, გადაცემაში „განსხვავებული აქცენტები“ ისაუბრა.
„აზრთა სხვადასხვაობა ნორმალურია, ეს გემოვნების საქმეა. ეს კლუბური ვერსიაა, სხვა ფორმატია,როდესაც კლუბში ცეკვავ. უნდა გაითვალისწინო ტერიტორია,სადაც ცეკვავ. ელექტრონულ მუსიკაზე კომპოზიციის დადგმა ყოველთვის აინტერესებდა ილიკოს. რატომაც არ უნდა გვეცადა ელექტრონულ მუსიკაზე, დაწყებული როკენროლით, დასრულებული ხალხური ცეკვით, ყველა სფეროში ვმუშაობთ და მგონი ექსპერიმენტები არ არის აკრძალული ხელოვნებაში.
პროექტს ჰქვია „ცეკვა ქართული“, თავად ქართული ცეკვა სხვა არის. საინტერესო იქნება ამ პროექტის სცენაზე გადმოსვლა, თუმცა სხვა ფორმატით, სხვა სამოსით. ჯერჯერობით ეს პროექტი რჩება კლუბში“, – განაცხადა ნინო სუხიშვილმა.
მანანა ღოღობერიძე
