„როდესაც ხელისუფლება თავად ჩადის და ასევე ახალისებს დანაშაულს ბუნებრივია კრიმინალი გაიზრდება. ამის მაგალითია აფგან მუხთარლის, ზვიად რატიანის, გელა ხვედელიძის, მაჩალიკაშვილის საქმე“ , – ქვეყანაში კრიმინალური შემთხვევების გაზრდაზე და მთავარ მიზეზებზე ადვოკატმა ლევან სამუშიამ „ტვ პირველზე“, გადაცემა „რეაქციას“ ეთერში ისაუბრა.
„არავინ დასჯილა ე.წ ჩადებების საქმეზე, არავინ პასუხობს კითხვას საიდან მოვიდა ნარკოტიკი, ვინ ჩაუდო და ვინ გააყალბა. მტკიცებულებების წაშლა მიდის, ვიდეოფაილებს აქრობენ. თუნდაც პატრულის მიერ სამკერდე კამერების ჩანაწერების წაშლა. უსამართლობის განცდას პირველ რიგში თესავს ხელისუფლება. 20 წლის უკან კამერა საერთოდ არ არსებობდა და ამ მოტივით გამოძიების შეწყვეტა არასწორია“ , – განაცხადა ლევან სამუშიამ.
კრიმინალის ზრდის მნიშვნელობასა და მიზეზებზე „რეაქციას“ ეთერში ადვოკატმა ზაზა ხატიაშვილმაც ისაუბრა. „სააკაშვილის დროს ციხეში ბევრი ადამიანი იჯდა მაგრამ დღეს გაიზარდა კრიმინალური ფსიქიკა, კრიმინალისაკენ ლტოლვა ახალგაზრდებში. მივდივარ ჩემს კორპუსთან, 4-5 ბავშვი დგას დაბოლილი და ერთმანეთს საშინელი თვალებით უყურებენ, ასეთი რამ არ იყო. ქვეყანა ეკონომიკურ, პოლიტიკურ, სამართლებრივ კოლაფსშია შესული. პოლიციური ძალადობა იმიტომ არის, რომ 20 წლის ბავშვები სკოლის დასრულების შემდეგ პირდაპირ ინსპექტორ-გამომძიებლებად მუშაობენ და მხოლოდ 6-თვიანი კურსი აქვთ გავლილი“ , – განაცხადა ზაზა ხატიაშვილმა.
კრიმინალის დონის ცვლილების მნიშვნელობაზე თამარ ჩერგოლეიშვლმა „ტვ პირველის“ ეთერში ისაუბრა.
„ „ტაბულა“ ერთ-ერთი პირველი იყო,რომელიც სვამდა კითხვებს, კრიმინალის რომანტიზებით, ამხელა ამნისტიით თუ იღებდა პასუხისმგებლობას იმაზე, რომ კრიმინალი მოიმატებდა და გვითხრა,რომ გაგებით მოეკიდეთო. რიცხვების გარეშე ვერაფერს ვიტყვი, მაგრამ ზოგადად კლიმატი ნამდვილად შეიცვალა, განსაკუთრებით ახალგაზრდა თაობაში. მეტად მესმის კანონიერი ქურდობის, ორგანიზებული დანაშაულის რომანტიზების შესახებ ამბები. გიორგი გიორგანაშვილი 800 აბი სუბოტექსისთვის არავის გაუსამართლებია, თვითონ ეს ვერ დაამტკიცეს და სახელმწიფომ იმის ნაცვლად,რომ საზოგადოების კითხვებზე გაეცა პასუხი, ადგა და მოწინააღმდეგე გააშავა, ასე იქცევა რუსეთი“ , – განაცხადა თამარ ჩერგოლეიშვილმა.
მანანა ღოღობერიძე
