„საკმაოდ არარეალურია ბიძინა ივანიშვილის საპრეზიდენტო კანდიდატად დაყენება. ის არის გარანტი სტაბილურობის,როგორც სახელმწიფოებრივი, ისე ხელისუფლების. მთელი სისტემა პარაზიტირებს დღემდე მის რესურსებზე, გადაწყვეტილებას არავინ არ იღებს“ , -„ქართული ოცნების“ საპრეზიდენტო კანდიდატად ბიძინა ივანიშვილის სავარაუდო დასახელებაზე პოლიტიკურმა ექსპერტმა გია ხუხაშვილმა „ტვ პირველის“ ეთერში ისაუბრა.
„ყველა ფიქრობს – წავიდეს ბიძინამ მოაგვაროს. თუნდაც პანკისის ხეობაში დღემდე არც ერთი მოქმედი თანამდებობის პირი არ ჩასულა, ადგილობრივ დეპუტატსაც არ უკადრია იქ ჩასვლა. „ქართული ოცნების“ ელიტა ფიქრობს რა ჩემი საქმეა, წავიდეს ბიძინამ აგვაროს. ასეთი პარაზიტული აზროვნებაა დამკვიდრებული. მათ აქვთ ერთადერთი საფიქრალი – არაფერი გააფუჭონ და ამისათვის არც არაფერი უნდა გააკეთონ. პრემიერმინისტრს კი მეძახიან, მაგრამ ერთი პატარა კაცი ვარ და პანკისში ნუ ჩამიყვანთ, რა ჩემი საქმეა. ასე ფიქრობს კვირიკაშვილი და ასე ფიქრობს ყველა. იმიტომ დამძიმდება ვითარება,რომ პოლიტიკოსები არ ჩადგნენ სპეცსამსახურებსა და ადგილობრივ მოსახლეობას შორის. დღეს ამ დამოკიდებულებიდან გამოდის,რომ მთელი მოსახლეობა არის ეჭვმიტანილი ტერორიზმში,თუმცა არ ელაპარაკებიან ამ ხალხს.
ივანიშვილის სურვილი იყო,რომ მოგვეშორებინა რეჟიმი, შემდეგ გუნდი ჩამოეყალიბებინა,რომელსაც გადააბარებდა ხელისუფლებას და თვითონ მხოლოდ კონსულტაციებში მიიღებდა მონაწილეობას. ის არ არის პოლიტიკოსი და ფიქრობდა, რომ ამას შეძლებდა. თუმცა, ის გახდა მძევალი, ხაფანგში აღმოჩნდა და დღემდე ვერ მოახერხა გათავისუფლება. თვითონ ხელისუფლება უკან უგდებენ ამ გუნდს და ეკითხებიან ყველაფერს, არ აძლევენ საშუალებას,რომ ნამდვილად გაემიჯნოს პოლიტიკას.
საშუალო რანგის მენეჯმენტით დააკომპლექტა მთავრობა და სრული დეგრადაცია განიცადეს. ბიძინამ მისცა და ვერ შეირგეს, ეს ტვირთი ვერ ზიდეს და უკან გადაუგდეს ბიძინა ივანიშვილს. როგორც მედიატორი, მომრიგებელი, ბალანსების შემქნელი პრეზიდენტი არის მთავარი ფიგურა. ეს არ იქნება ივანიშვილისთვის დიდი ტვირთი და იქნებოდა უმაღლესი პატრიოტიზმის გამოვლინება. კიდევ რამდენიმე წლით უნდა გადადოს თავი და დაბრუნდეს სისტემაში, ეს იქნება მძიმე, მაგრამ სწორი“ , – განაცხადა გია ხუხაშვილმა.
მანანა ღოღობერიძე
