უკრაინაში ვიყავი შეზღუდული და ვერ გავდიოდი ქვეყნიდან, თორემ ახლა თავისუფალი ვარ, როგორც ლაღი ფრინველი, – ამის შესახებ საქართველოს მესამე პრეზიდენტმა, უკრაინის ყოფილმა გუბერნატორმა, მიხეილ სააკაშვილმა „რუსთავი2“-ის ეთერში საუბრისას განაცხადა.
მისი თქმით, დაგეგმილი აქვს შეხვედრები ევროპის მასშტაბით და აქტიურად გააგრძელებს პოლიტიკურ მოღვაწეობას. როგორც სააკაშვილმა აღნიშნა, ის აუცილებლად დაბრუნდება საქართველოშიც და უკრაინაშიც.
“14 თებერვალს მივფრინავ ჰოლანდიაში და მერე ვივლი მთელ ევროპაში, შეხვედრები მაქვს ბრიუსელში, გერმანიაში, საფრანგეთში და ა.შ. უკრაინაში ვიყავი შეზღუდული და ვერ გავდიოდი ქვეყნიდან, თორემ ახლა თავისუფალი ვარ, როგორც ლაღი ფრინველი“, – განაცხადა მიხეილ სააკაშვილმა.
