სამგორის ხის საამქროში, სადაც დღეს დილით ხანძარი გაჩნდა, 3000 კვ.მ-მდე ფართობი დაიწვა. გიორგი ნადარეიშვილის ქუჩაზე ამ დროისთვის ცეცხლი ლოკალიზებულია.
ადგილზე 30 სახანძრო-სამაშველო ეკიპაჟი ისევ მობილიზებულია და ცეცხლის კერების ჩაქრობა მიმდინარეობს.
საგანგებო სიტუაციების მართვის სამსახურის ცნობით, იწვოდა ერთსართულიანი საწყობის შენობა და მასში განთავსებული ხის მასალა.
საგანგებო სიტუაციების მართვის სააგენტოს ქალაქ თბილისის მთავარი სამმართველოს უფროსის, ანდრე ქუჯაიძის ინფორმაციით, საწარმო „აწარმოე საქართველოს“ პროექტის ფარგლებში იყო დაფინანსებული და ძაღლებისთვის ხის სადმოები მზადდებოდა.
ჯერჯერობით მომხდარის სხვა დეტალები უცნობია.
